تۇركىستان وبلىسىنىڭ ءتارتىپ ساقشىلارى جول اپاتىنا ۇشىراعان قىرعىزستاندىق ازاماتقا كومەكتەستى, دەپ حابارلايدى Egemen.kz Polisia.kz سايتىنا سىلتەمە جاساپ.
12 قاڭتاردا شامامەن كەشكى ساعات 22.30-دا بايدىبەك اۋدانىنىڭ اۋماعىنداعى شىمكەنت-سامارا تاس جولىنىڭ 56 شاقىرىمىندا “ۆولۆو” ماركالى اۋىر جۇك كولىگىنىڭ جۇرگىزۋشىسى ءرولدى باسقارا الماي, كولىك اۋدارىلىپ قالعان.
وقيعا ورنىنا جەتكەن بايدىبەك اۋدانىنىڭ پب پوليتسەيلەرى كولىك تىزگىنىندە وتىرعان شەتەلدىك ازاماتقا اۆتوكولىكتى قايتا تۇرعىزۋعا كومەكتەسىپ, ونى ايىپپۇل تۇراعىنا جەتكىزدى. كوكونىستەر تيەلگەن بۇل اۆتوكولىكتىڭ قىرعىزستان رەسپۋبليكاسىنان رەسەي فەدەراتسياسىنا قاراي باعىت العانى انىقتالدى.
جول اپاتى سالدارىنان قازا بولعاندار مەن زارداپ شەككەندەر جوق. جۇرگىزۋشىگە ءتيىستى مەديتسينالىق كومەك كورسەتىلدى.
پوليتسيا قىزمەتكەرلەرى قىرعىزستان رەسپۋبليكاسىنىڭ ازاماتى بولىپ تابىلاتىن كولىك جۇرگىزۋشىسىنە قاتىستى قر اقبتك-ءنىڭ 610-بابى (كولiك قۇرالدارى جۇرگiزۋشiلەرىنiڭ جول ءجۇرىسى قاعيدالارىن ادامداردىڭ دەنساۋلىعىنا زيان كەلتiرۋگە, كولiك قۇرالدارىنىڭ نەمەسە وزگە دە مۇلiكتiڭ ب ۇلىنۋىنە الىپ كەلگەن بۇزۋشىلىعى) بويىنشا اكىمشىلىك حاتتاما تولتىردى.
جينالعان ماتەريالدار ءتيىستى شەشىم قابىلداۋ ءۇشىن سوتقا جىبەرىلەتىن بولادى. قىرعىزستان رەسپۋبليكاسىنىڭ ازاماتى پوليتسەيلەردىڭ كورسەتكەن كومەگىنە ءوز ريزاشىلىعىن جەتكىزدى.
– تۇندە تراسسادا مەنىڭ كولىگىم اۋدارىلىپ قالدى. سول ساتتە دەر كەزىندە كومەككە كەلىپ, مەنى قۇتقارىپ قالعان پوليتسەيلەرگە العىس ايتامىن! مەنى تاماقتاندىرىپ, مەديتسينالىق كومەك تە كورسەتتى. اۋدارىلعان كولىگىمدى قايتادان تۇرعىزىپ بەردى. پوليتسەيلەرگە ۇلكەن راقمەت! – دەدى ول.
ءوز كەزەگىندە, ءتارتىپ ساقشىلارى اۆتوكولىك يەلەرىن جولدا, اسىرەسە اۋا-رايىنىڭ قولايسىز كەزىندە جانە كوكتايعاقتا اباي بولۋعا شاقىرادى. سونداي-اق جول قوزعالىسى ەرەجەلەرى مەن اراقاشىقتىقتى ساقتاۋ تۋرالى ەسكەرتەدى.