Microsoft قازاقستان جانە الماتى قالالىق ءبىلىم باسقارماسىنىڭ ء«بىلىم بەرۋدەگى جاڭا تەحنولوگيالاردىڭ قالالىق عىلىمي ادىستەمەلىك ورتالىعى» قالانى تسيفرلى ترانسفورماتسيالاۋ ماقساتىنداعى ىنتىماقتاستىق مۇمكىندىكتەرىن بىرلەسىپ قاراستىرۋدا. بۇل ماقساتتا تاراپتار وقۋ ۇدەرىسىنىڭ ساپاسىن جاقسارتۋ جانە الماتى قالاسىنداعى ورتا ءبىلىم بەرۋدىڭ باسەكەگە قابىلەتتىلىگىن ارتتىرۋ ءۇشىن ءبىلىم بەرۋدى تسيفرلى ترانسفورماتسيالاۋ سالاسىنداعى ىنتىماقتاستىقتى ىقتيمال كەڭەيتۋ مەن دامىتۋدى كوزدەيتىن ءوزارا تۇسىنىستىك تۋرالى مەموراندۋمعا قول قويدى.
سونداي-اق ىقتيمال ىنتىماقتاستىق تسيفرلى ساۋاتتىلىقتى, الماتى قالاسى مەكتەپتەرىنىڭ پەداگوگتەرى مەن وقۋشىلارىنىڭ تسيفرلى ماشىقتارىن جانە قۇزىرەتتەرىن ارتتىرۋدى كوزدەيتىن بولادى. جوبا ارقىلى قالانىڭ 200-دەن اسا مەكتەبىن قامتۋ جوسپارلانىپ وتىر.
قالالىق ءبىلىم باسقارماسىنىڭ باسشىسى لياززات جىلقىباەۆانىڭ ايتۋىنشا, بۇگىنگى تاڭدا تسيفرلى قۇرالداردى پايدالانباي, ءبىلىم بەرۋدى ەلەستەتۋ قيىن. «سوندىقتان ىقتيمال ىنتىماقتاستىق اياسىندا Microsoft كومپانياسى ۇسىنۋعا دايىن بىرەگەي تاجىريبە, ۇزدىك حالىقارالىق پراكتيكالار جانە يننوۆاتسيالىق تەحنولوگيالار قالانىڭ ءبىلىم بەرۋ جۇيەسىن تابىستى تسيفرلى ترانسفورماتسيالاۋداعى ماقساتتارعا جەتۋدە كومەگى تيەتىنىنە سەنىمدىمىز», دەيدى ول.
قازىرگى ۋاقىتتا قول جەتكىزگەن ۋاعدالاستىقتارعا سايكەس, الماتى قالاسىنداعى ءبىلىم بەرۋدى تسيفرلى ترانسفورماتسيالاۋ سالاسىنداعى ىقتيمال ىنتىماقتاستىق Microsoft-تىڭ ءبىلىم بەرۋدەگى سانسىز زەرتتەۋلەرى مەن كوپ جىلدىق تاجىربيەسىنە نەگىزدەلگەن ۇزدىك حالىقارالىق پراكتيكالاردى ۇسىنۋدى قامتيدى. Microsoft-تا الەمنىڭ ءتۇرلى ەلدەرىنىڭ ءبىلىم بەرۋ جۇيەسىن تسيفرلى ترانسفورماتسيالاۋدىڭ ءتيىمدى ستراتەگيالارىن جۇزەگە اسىرۋداعى اۋقىمدى تاجىريبەسى بار بولعاندىقتان, بۇل ءبىلىم بەرۋدىڭ جەرگىلىكتى جۇيەسىنىڭ قاجەتتىلىكتەرى مەن مىندەتتەرىن ەسكەرە وتىرىپ, ەڭ وڭتايلى ستراتەگيالاردى تاجىريبە جۇزىندە تاڭداۋعا جانە ەنگىزۋگە مۇمكىندىك بەرەدى. ءبىلىم بەرۋدى تسيفرلى ترانسفورماتسيالاۋ بارلىق وقۋشىعا ءوز الەۋەتىن اشۋعا جانە تولىق ىسكە اسىرۋعا, ال مۇعالىمدەرگە وقىتۋعا ارنالعان قاۋىپسىز, سەنىمدى جانە ينكليۋزيۆتى ورتانى قۇرۋ ارقىلى جۇمىستىڭ يننوۆاتسيالىق ادىستەرىن ەنگىزۋ مەن قولدانۋعا كومەكتەسەدى.
تاراپتار قاراستىرىپ جاتقان باعىتتاردىڭ ءبىرى – قالا مەكتەپتەرىنە ءبىلىم بەرۋگە ارنالعان Microsoft «Minecraft: Education Edition» مامانداندىرىلعان باعدارلامالىق قامسىزداندىرۋىن بىرلەسىپ ەنگىزۋ مەن دامىتۋ جوباسى. بۇل ساباق بەرۋدەگى ادىستەردى وزگەرتەتىن جانە بالالاردى وقۋ ۇدەرىسىنە تارتۋ مەن ولاردىڭ بويىندا بىلىمگە دەگەن قىزىعۋشىلىقتى وياتۋعا كومەكتەسەتىن ويىن نەگىزىندەگى وقۋ پلاتفورماسى. الەمنىڭ ءار تۇكپىرىندەگى وقىتۋشىلار وقۋشىلاردى ساباق بەرۋ مەن وقىتۋداعى مۇمكىندىكتەر شەگى قيالمەن عانا بەلگىلەنەتىن يممەرسيۆتى تسيفرلى ورتادا بارىنشا قىزىقتىرۋ ءۇشىن «Minecraft: Education Edition»-ءدى وقۋ ۇدەرىسى بارىسىندا ساباق كەزىندە ءارتۇرلى پاندەردە قولدانادى.
ء«بىز پلانەتاداعى ءاربىر وقۋشىعا كوپكە قول جەتكىزۋگە كومەكتەسەمىز. ءبىزدىڭ الماتى قالاسىنىڭ ءبىلىم باسقارماسىمەن جانە تسيفرلاندىرۋ باسقارماسىمەن ىقتيمال ىنتىماقتاستىعىمىز قالانىڭ ءبىلىم بەرۋدەگى تسيفرلى ترانسفورماتسياسىنا وڭ اسەر ەتەدى دەپ سەنەمىز. بۇگىنگى تاڭدا زاماناۋي تسيفرلى تەحنولوگيالار وقىتۋ ۇدەرىسىن قىزىقتى, ينتەراكتيۆتى جانە ينكليۋزيۆتى ەتۋگە كومەكتەسىپ, ءبىلىم بەرۋ ءۇشىن شەكسىز دەرلىك مۇمكىندىكتەر اشۋدا. Microsoft-تىڭ ءبىلىم بەرۋگە ارنالعان زاماناۋي شەشىمدەرى وقۋشىلاردىڭ ءبىلىمدى اناعۇرلىم ءتيىمدى يگەرۋلەرىنە جاردەمدەسۋدە, سونداي-اق مۇعالىمدەرگە وقىتۋدا يننوۆاتسيالىق قۇرالدار مەن ادىستەردى قولدانۋعا مۇمكىندىك بەرەدى», دەدى Microsoft-تىڭ قازاقستانداعى جانە تمد ەلدەرىندەگى ءبىلىم بەرۋ سەكتورىمەن جۇمىس جونىندەگى باسشىسى نۇرلان جانىبەك.