بايقوڭىر قالاسىندا جانە عارىش ايلاعىندا 2020 جىلى ءبىر دە-ءبىر كىسى ءولتىرۋ وقيعاسى تىركەلمەگەن جانە قىلمىستاردىڭ جالپى سانى 2019 جىلمەن سالىستىرعاندا 18,6% تومەندەگەن, دەپ حابارلايدى Egemen.kz بايقوڭىر كەشەنى پروكۋتاۋراسىنا سىلتەمە جاساپ.
قالادا 2019 جىلى قاساقانا ادام ءولتىرۋدىڭ بەس وقيعاسى تىركەلگەن بولاتىن. 2020 جىلى مۇنداي وقيعا بولماعان. دەگەنمەن ايماقتا زورلىق كورسەتۋ جانە توناۋ وقيعالارى بۇرىنعى كورسەتكىشپەن بىردەي.
جالپى, قاداعالاۋ ورگانى تىركەلگەن قىلمىستار دەڭگەيىنىڭ تومەندەۋىن ايتىپ وتىر. ەگەر 2019 جىلى قىلمىستىڭ سانى 655 بولسا, 2020 جىلى تەك 533 وقيعا تىركەلگەن.
مۇنىڭ سەبەپتەرىنىڭ ءبىرى - بايقوڭىر اۋماعىندا COVID-19 تارالۋىن بولدىرماۋ ءۇشىن قابىلدانعان قاتاڭ شارالار. اتاپ ايتقاندا تۇنگى ۋاقىتتا جۇرۋگە تىيىم سالۋ جانە ازاماتتاردىڭ قوعامدىق ورىنداردا كوپ جينالماۋى.