دۇنيەجۇزىلىك سوت بالاعا قاتىگەزدىك جاساعان نوۆوسىبىرلىك مەدبيكەگە قاتىستى قىلمىستىق ءىستى توقتاتتى, دەپ حابارلايدى Egemen.kz ءنوۆوسىبىر وبلىسىنىڭ پروكۋراتۋراسىنا سىلتەمە جاساپ.
ينتەرنەتتە ەكى ۆيدەو پايدا بولعاننان كەيىن, تەرگەۋشىلەر ءۇش قىلمىستىق ءىس قوزعادى. تەكسەرۋ ناتيجەسىندە ۆيدەونىڭ ەكەۋى – قاتىگەزدىك فاكتىسى بويىنشا جانە تاعى ءبىرى − اۋرۋحانا باسشىلىعىنىڭ نەمقۇرايدىلىق تانىتقانىنا بايلانىستى دالەل رەتىندە الىنعان.
2020 جىلدىڭ جەلتوقسانىندا سوت وسى ءىستى قوزعاپ, ناتيجەسىندە مەدبيكەلەردىڭ بىرەۋىن ءبىر جىل كولەمىندەگى تۇزەۋ جۇمىستارىنا جىبەرۋ جايلى ۇكىم قابىلداعان ەدى.
13 قاڭتاردا ءنوۆوسىبىر وبلىسىنىڭ مەملەكەتتىك دەنساۋلىق ساقتاۋ بيۋدجەتتىك مەكەمەسىندەگى «بالالار تۋبەركۋلەز اۋرۋحاناسى» ءبولىمىنىڭ مەدبيكەسى ناتاليا ستارۋسەۆاعا بايلانىستى قىلمىستىق ءىس بويىنشا شەشىم قابىلداندى.مەدبيكەگە رەسەي فەدەراتسياسىنىڭ قىلمىستىق كودەكسىنىڭ 156 بابى «كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ» بويىنشا ايىپ تاعىلدى. سوت ونىڭ پاتسيەنتكە قاتالدىق تانىتقانىن انىقتادى. دالىرەك ايتساق, مەدبيكە 2020 جىلدىڭ 3 قاراشاسىندا كىشكەنتاي بالاعا قول كوتەرگەن.
سوت تاراپتاردىڭ تاتۋلاسۋىنا بايلانىستى ستارۋسەۆاعا قاتىستى قىلمىستىق ءىستى توقتاتتى (ول قىلمىستىق جاۋاپكەرشىلىكتەن بوساتىلدى). جارلىق زاڭدى كۇشىنە ەنگەن جوق. دەسە دە مەدبيكە 10 مىڭ رۋبل مولشەرىندە مورالدىق زيان ءۇشىن قاراجات وتەۋ كەرەك», دەپ حابارلادى پروكۋراتۋرا.
ايدا ورالبەك