قازاقستاندا 2020 جىلعى 1-31 جەلتوقسان ارالىعىندا «كيىك» كەڭ اۋقىمدى تابيعات قورعاۋ اكتسياسى وتكىزىلدى, دەپ حابارلايدى Egemen.kz.
«وحوتزووپروم ءوب» رمقك ينسپەكتورلار قۇرامى «كيىك» كەڭ اۋقىمدى اكتسياسىن جۇرگىزۋ كەزىندە 17 قىلمىستىق قۇقىق بۇزۋشىلىقتى انىقتادى. ونىڭ ىشىندە 14 كيىك دەريۆاتتارىن زاڭسىز قولدانۋ بويىنشا جانە 3-سيرەك كەزدەسەتىن جانۋارلار (ارقار, قاراقۇيرىق) ءتۇرىنىڭ زاڭسىز اۋلانۋى بويىنشا ءىس تىركەلدى.
قر قىلمىستىق كودەكسىنىڭ 339-بابىنا سايكەس, «سيرەك كەزدەسەتىن جانە جويىلىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر مەن جانۋارلار تۇرلەرىن, ولاردىڭ بولىكتەرىن نەمەسە دەريۆاتتارىن زاڭسىز پايدالانۋعا» 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعانىن ەستەرىڭىزگە سالامىز.
سىزدەردەن براكونەرلىك جاساۋ نەمەسە جوسپارلاۋ فاكتىسى تۋرالى اقپارات بولعان جاعدايدا قر ەكولوگيا, گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ شۇعىل جەلىسىنە 87776785252 ءنومىرى ارقىلى حابارلاسۋىڭىزدى سۇرايمىز.
ەسكە سالايىق, «كيىك» اكتسياسى - اقبوكەندەردىڭ براكونەرلىگىنە, ولاردىڭ دەريۆاتتارىن ساتۋعا ماماندانعان ۇيىمداسقان قىلمىستىق توپتاردىڭ قىزمەتىن انىقتاۋ جانە جولىن كەسۋ جۇمىستارىن كۇشەيتۋ ماقساتىنداعى ءداستۇرلى شارا.