اقش پرەزيدەنتى دونالد ترامپ كاپيتوليدەگى قانقۇيلى ب ۇلىكتىڭ الدىندا جاساعان ۇندەۋىندە جاقتاستارىن كونگرەسسكە قاراي ءجۇرىپ سايلاۋ ناتيجەلەرىن داۋلاۋعا شاقىرعاندىعىن «تولىعىمەن ورىندى بولدى» دەپ مالىمدەدى. سونداي-اق ول كونگرەسستەگى دەموكراتتاردىڭ وزىنە يمپيچمەنت جاريالاۋ ارەكەتىن «كۇلكىلى» ەكەنىن ايتادى, دەپ جازادى Egemen.kz ۆۆس.com سايتىنا سىلتەمە جاساپ.
وكىلدەر پالاتاسىنداعى دەموكراتتار پرەزيدەنتتى ايىپتاۋعا داۋىس بەرۋى سارسەنبىدە وتەدى دەپ وتىر. ەگەر پالاتادا داۋىس بەرىلسە, ترامپ اقش تاريحىنداعى ەكى رەت يمپيچمەنت جاريالانعان العاشقى پرەزيدەنت بولادى.
الايدا سەناتتاعىلاردىڭ 2/3 بولىگى داۋىس بەرگەن جاعدايدا عانا ترامپ قىزمەتىنەن كەتەدى. بۇل ءۇشىن رەسپۋبليكاشىلاردىڭ كوپشىلىگىنىڭ كەلىسىمى قاجەت بولادى. ال ازىرگە ولاردىڭ تەك از عانا بولىگى ءوز پارتيالارىنان شىققان پرەزيدەنتكە قارسى داۋىس بەرۋگە دايىن ەكەنىن كورسەتتى.
وكىلدەر پالاتاسى ۆيتسە-پرەزيدەنت مايك پەنستەن قىزمەتىنە بايلانىستى وكىلەتتىلىگىن قولدانا وتىرىپ, ترامپتى ورنىنان كەتىرۋىن سۇراپ وتىر. الايدا ۆيتسە-پرەزيدەنتتىڭ ءوزى بۇل ويعا قارسى. ترامپتىڭ بيلىكتەن كەتۋىن تالاپ ەتۋشىلەر دەموكراتتار مەن كەيبىر رەسپۋبليكاشىلار اراسىندا كونگرەسستەگى بەس ادامنىڭ ءومىرىن قيعان تارتىپسىزدىكتەردەن كەيىنگى كۇندەرى كۇشەيە ءتۇستى.
ايدا ورالبەك