اتىراۋ قالالىق پوليتسيا باسقارماسى جەدەل باسقارۋ ورتالىعىنىڭ بەينەكامەرا ينسپەكتورلارى جايىق وزەنىنىڭ ۇستىندەگى قاۋىپسىزدىك شارالارىنىڭ ساقتالۋىن دا قاداعالايدى. ماقسات – جايىق وزەنىنىڭ ۇستىندە بولۋى مۇمكىن وقىس وقيعانىڭ الدىن الۋ, دەپ حابارلايدى Egemen.kz.
«جىل باسىنان بەرى جايىق وزەنىندەگى مۇز ۇستىمەن اۆتوكولىكتى جۇرگىزگەن 4 جۇرگىزۋشى انىقتالدى. سونداي جۇرگىزۋشىنىڭ ءبىرى 10 قاڭتاردا ساعات 15:40 شاماسىندا جۇمىسكەر ەلدى مەكەنىندەگى كوپىردىڭ تۇسىندا ۇستالدى. 36 جاستاعى جۇرگىزۋشى «لادا گرانتا» ماركالى اۆتوكولىگىمەن مۇز ۇستىمەن جۇرگەن», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
پاترۋلدىك پوليتسيا قىزمەتكەرلەرى 4 جۇرگىزۋشىگە قر اكىمشىلىك قۇقىقبۇزۋشىلىق بۇزۋ تۋرالى كودەكسىنىڭ 620-بابىمەن (جول جۇرىسىنە قاتىسۋشىلارعا قويىلاتىن وزگە دە تالاپتاردى بۇزعانى ءۇشىن) اكىمشىلىك حاتتاما تولتىرىپ, ەسكەرتۋ بەردى.