ءىىم جۇرگىزۋشىلەردەن اۋا رايىنىڭ ناشارلاۋى جانە جولداردىڭ جابىلۋى تۋرالى حابارلامالارعا نازارعا اۋدارۋدى سۇرادى, دەپ حابارلايدى Egemen.kz Polisia.kz سايتىنا سىلتەمە جاساپ.
كەشە اۋا رايىنىڭ ناشارلاۋىنا بايلانىستى قاراعاندى جانە سولتۇستىك قازاقستان وبلىستارىنىڭ رەسپۋبليكالىق ماڭىزى بار اۆتوجولدارىندا كولىكتىڭ بارلىق تۇرلەرى ءۇشىن قوزعالىس تولىعىمەن جابىلدى.
سونداي-اق اقمولا جانە قوستاناي وبلىستارىنداعى قالا سىرتىنداعى تاس جولداردا سولتۇستىك قازاقستان وبلىسى باعىتى بويىنشا اۆتوموبيل قوزعالىسى شەكتەلگەن. پاۆلودار وبلىسىندا قاراعاندى جانە اقمولا وبلىستارى باعىتى بويىنشا قوزعالىس شەكتەلگەن.
«قازگيدرومەت» رمك دەرەكتەرى بويىنشا 13 قاڭتاردا شىعىس قازاقستان, جامبىل, ماڭعىستاۋ, پاۆلودار جانە تۇركىستان وبلىستارىندا اۋا رايىنىڭ ناشارلاۋى كۇتىلۋدە. ءىىم اتالعان ايماقتاردىڭ تۇرعىندارىنا ۇزاق ساپارلاردان اۋلاق بولۋدى ۇسىنادى جانە جۇرگىزۋشىلەرگە قاۋىپسىز قوزعالىس جىلدامدىعى مەن اۆتوموبيلدەر اراسىنداعى قاشىقتىقتى قاتاڭ ساقتاۋ كەرەكتىگىن ەسكەرتەدى.
ەكى كۇننىڭ ىشىندە (10-11 قاڭتار) ەل جولدارىندا 35 جكو تىركەلىپ, جەتى ادام قازا تاپتى, 50 ادام ءتۇرلى جاراقات الدى. قار قۇرساۋىنان پوليتسيا كۇشىمەن 30-دان استام كولىك ەۆاكۋاتسيالاندى.