اۋا رايىنىڭ جاقسارۋىنا بايلانىستى ەلوردادان شىعاتىن بىرنەشە تراسسا قوزعالىس ءۇشىن اشىلدى, دەپ حابارلايدى Egemen.kz Smart Astana Telegram-كانالىنا سىلتەمە جاساپ.
13 قاڭتار ساعات 06.00-دەن باستاپ رەسپۋبليكالىق ماڭىزدىلىعى بار:
- «نۇر-سۇلتان قالاسى – تەمىرتاۋ قالاسى» (ەكاتەرينبۋرگ – الماتى جولىنىڭ 1291-1426 شاقىرىم ارالىعى);
- «نۇر-سۇلتان – پاۆلودار وبلىسىنىڭ شەكاراسى» (نۇر-سۇلتان – ەرەيمەنتاۋ – شىدەرتى جولىنىڭ 16 – 200 شاقىرىم ارالىعى) تراسسالارى اشىلدى.
سونداي-اق ساعات 06.15-تەن باستاپ رەسپۋبليكالىق ماڭىزداعى:
- «قابانباي باتىر اۋىلى – قاراعاندى وبلىسىنىڭ شەكاراسى» (نۇر-سۇلتان قالاسى – قابانباي باتىر اۋىلى – كيەۆكا اۋىلى – تەمىرتاۋ قالاسى اۆتوجولىنىڭ 36-51 شاقىرىم ارالىعى) اۆتوجولىندا بارلىق كولىك ءتۇرى ءۇشىن قوزعالىسقا قايتا رۇقسات بەرىلدى.
ەسكە سالا كەتەيىك, بۇعان دەيىن اۋا رايىنىڭ قولايسىزدىعىنا بايلانىستى اقمولا, قوستاناي, قاراعاندى, پاۆلودار, سولتۇستىك قازاقستان وبلىستارىندا بىرقاتار جولدا كولىك قوزعالىسى شەكتەلدى.