ادامگەرشىلىككە تاربيەلەۋ ستراتەگياسى

جيىنعا وڭىرلەردە ءبىلىم جانە تاربيە بەرۋ سالاسىندا قىزمەت ەتىپ جۇر­گەن ۇيىمداردىڭ باسشىلارى, قوعام قايرات­كەرلەرى, مۇعالىمدەر, تەلەارنالاردىڭ جەتەكشىلەرى قاتىستى. بۇل جوبا وسكەلەڭ ۇرپاقپەن تاربيەلىك جۇمىستى جۇرگىزۋ قاعيدالارىن جۇيەلەۋ ءۇشىن «Pۋحaني جaڭعىpۋ» بaعدapلaمacىنىڭ اياسىندا جۇزەگە اسىرىلماق. «رۋحاني جاڭعىرۋ» باعدارلاماسىنىڭ قۇندىلىقتارىن جان-جاقتى ءتۇسىنۋىن ەسكەرەتىن شارالاردىڭ ماڭىزدى بولىگى رەتىندە مەكتەپكە دەيىن جانە مەكتەپ جاسىنداعى بالالاردى رۋحاني تۇرعىدا تاربيەلەۋ بويىنشا وقۋ-ادىستەمەلىك قۇرالداردى ازىرلەۋ بولماق.

«بۇل تاقىرىپ – كوپتەن بەرى كوكەيدە جۇرگەن ماسەلەلەردىڭ ءبىرى. وزدەرىڭىز بىلەسىزدەر, ءبىزدىڭ مينيسترلىك «رۋحاني جاڭعىرۋ» باعدارلاماسىن جۇزەگە اسىرۋدى ۇيلەستىرۋشى ورگان. سونىمەن قاتار قوعامنىڭ جان-جاقتى دامۋىنا قاتىستى ۇيىمداستىرۋ جۇمىستارىن اتقارادى. قوعامدى دامىتۋ دەگەنىمىز نە؟ ارينە ەڭ اۋەلى وسكەلەڭ ۇرپاقتى تاربيەلەۋ ىسىنەن باستالادى. بالا تاربيەسى قوعام ءۇشىن قاشاندا ماڭىزدى ماسەلە. جاسىراتىنى جوق, بۇگىندە بالالاردىڭ تاربيەسىنە, ولاردىڭ وي قالىپتاستىرۋىنا اسەر ەتەتىن سىرتقى فاكتورلار وتە كوپ. سونىڭ ىشىندە اسىرەسە, ۆيرتۋالدى الەمنىڭ, باقىلاۋدان تىس ينتەرنەتتىڭ ىقپالى وتە زور بولىپ تۇر. سوندىقتان ۋاقىت ۇرپاق تاربيەسىنە جاڭا قىرىنان قاراۋدى تالاپ ەتىپ وتىر. قازىر, وكىنىشكە قاراي, بالالار اراسىندا قاتىگەزدىككە بەيىمدىك, سۋيتسيد, تولەرانتتىقتىڭ تومەندىگى سياقتى ءتۇرلى كەلەڭسىزدىكتەر كەزدەسەدى», دەدى مينيستر.

سونىمەن قاتار ۆەدومستو باسشىسى بۇل ماسەلە كەشەندى زەرتتەۋدى قاجەت ەتەتىنىن جانە قوعام ءۇشىن بالا تاربيەسىندە اتا-انامەن بىرگە بالاباقشا, مەكتەپتەردىڭ دە جاۋاپكەرشىلىگى زور ەكەنىن اتاپ ءوتتى. «سوندىقتان, بۇل جوبانى ءبىلىم جانە عىلىم مينيسترلىگىمەن بىرلەسىپ جۇزەگە اسىرامىز دەگەن ۇمىتتەمىز», دەدى ايدا بالاەۆا.

ءىس-شاراعا قاتىسۋشىلاردى اتالعان ستراتەگيامەن «رۋحاني جاڭعىرۋ» قازاقستاندىق قوعامدىق دامۋ ينستيتۋتى باسقارما توراعاسىنىڭ ورىنباسارى اسەم قايداروۆا تانىس­تىردى. ول قۇجاتتا «رۋحاني جاڭعىرۋ» باعدارلاماسىنىڭ قۇندىلىقتارىن وقۋشىلاردىڭ تەرەڭ ۇعىنۋى مەن مەكتەپ باعدارلاماسى پاندەرىمەن ۇشتاستىرۋداعى ۇسىنىمدارعا ەرەكشە كوڭىل بولىنگەنىن جەتكىزدى. اتالعان قۇجات وتانسۇيشىشتىك, ولكەتانۋشىلىق پەن كاسىبي باعدار بەرۋ باعىتتارى بويىنشا ازىرلەنگەن. ستراتەگيا مeكتeپكe دeيiنگى بالالاردى, باستاۋىش, ورتاڭعى جانە جوعارى سىنىپتاردىڭ وقۋشىلارىن قامتيدى.

ونلاين-شارا بارىسىندا وسكەمەن قالاسى №27 ورتا مەكتەبىنىڭ قازاق ءتىلى جانە ادەبيەت ءپانىنىڭ مۇعالىمى بەك مۇقانوۆ, نۇر-سۇلتان قالاسى №66 مەكتەپ-ليتسەيى ديرەكتورىنىڭ تاربيە ءىسى جونىندەگى ورىنباسارى تولقىن بەيسەكوۆا ءوز ويلارىمەن ءبولىستى. سونىمەن قاتار تالقىلاۋعا «Balapan», «El Arna» تەلەارنالارىنىڭ باسشىلارى ماقپال جۇماباي, ارمان سەيتمامىت, «ۇلت تاعدىرى» قوعامدىق بىرلەستىگىنىڭ جەتەكشىسى دوس كوشىم, «Atamnyn amanaty» قوعامدىق بىرلەستىگىنىڭ جەتەكشىسى ءاليا ساعىمباەۆا جانە تاعى باسقالار قاتىستى. تالقىلاۋ بارىسىندا قاتىسۋشىلار تاراپىنان مeكتeپكe دeيiن ءجانe مeكتeپ جacىندaعى بaلaلapدى pۋحaني-aدaمگepشiلiككە تاربيەلەۋ تۇرعىسىنا قاتىستى بىرقاتار ۇسىنىم ايتىلدى.