اگروونەركاسىپتىك كەشەندە تۇراقتى ءوسىم ساقتالۋدا - مينيسترلىك

ۆەدومستۆو باسشىسىنىڭ ايتۋىنشا, وتكەن جىلى دا اوك-دە تۇراقتى ءوسىم ساقتالعان.

2020 جىلى اۋىل شارۋاشىلىعىنىڭ جالپى ءونىمىنىڭ كولەمى ءبىر جىلدا 5,6%-عا ارتىپ, 6,3 ترلن تەڭگەنى قۇرادى.

نەگىزگى ءوسىم – وسىمدىك شارۋاشىلىعىنداعى ءوندىرىس كولەمىنىڭ 7,8%-عا, ياعني 3,6 ترلن تەڭگەگە دەيىن ۇلعايۋىمەن قامتاماسىز ەتىلدى.

ەلىمىزدىڭ 5 وبلىسى: قوستاناي (شامامەن 121%), اقمولا (شامامەن 113%), پاۆلودار (107,5%), اقتوبە (106,7%) جانە قاراعاندى (105,7%) جوعارى ءوسۋ قارقىنىن كورسەتتى.

مال شارۋاشىلىعىنىڭ جالپى ءونىمىنىڭ كولەمى 3%-عا ارتىپ, 2,6 ترلن تەڭگەنى قۇرادى. بۇل رەتتە ءتىرى سالماقتا ەت ءوندىرۋ كولەمى 4,1%-عا, ءسۇت ءوندىرۋ كولەمى 3,2%-عا وسكەنى بايقالادى.

شيكىزاتتى قايتا وڭدەۋ سالاسى دا وڭ ديناميكانى كورسەتتى. ازىق-ت ۇلىك ونىمدەرىنىڭ ءوندىرىسى 2020 جىلدىڭ 12 ايىندا 4%-عا وسىپ, 1,9 ترلن تەڭگەنى قۇرادى.

سارى مايدى 26,5%-عا, وڭدەلگەن كۇرىش – 20,1%-عا, شۇجىق ونىمدەرى – 8,2%-عا, ماكارون ونىمدەرى – 6,3%-عا, وڭدەلگەن ءسۇت – 4,9%-عا, ءسۇت ونىمدەرى – 4,8%-عا, ىرىمشىك جانە سۇزبە – 4,5%-عا, ۇن – 1,6%-عا ارتىق وندىرىلە باستادى.

2020 جىلدىڭ 12 ايىندا اۋىل شارۋاشىلىعىنىڭ نەگىزگى كاپيتالىنا ينۆەستيتسيالار 15%-عا ۇلعايىپ, 573,2 ملرد تەڭگەنى قۇرادى. ازىق-ت ۇلىك ونىمدەرى ءوندىرىسىنىڭ نەگىزگى كاپيتالىنا ينۆەستيتسيالار 13,5%-عا ارتىپ, 104 ملرد تەڭگەگە جەتتى.

«اوك كورسەتكىشتەرىنىڭ تۇراقتى ءوسۋى نەگىزىنەن فەرمەرلەردىڭ ۇيلەسىمدى جۇمىسىنىڭ جانە ۇكىمەتتىڭ Covid-19 پاندەمياسى جاعدايىندا ەگىس جۇمىستارىن جۇرگىزۋ ۇشىن اۋىل شارۋاشىلىعى تاۋارلارىن وندىرۋشىلەردىڭ كەدەرگىسىز قوزعالىسىن, جانار-جاعارماي, قوسالقى بولشەكتەر, تۇقىمدار, تىڭايتقىشتار مەن وسىمدىكتەردى قورعاۋ قۇرالدارىن جەدەل جەتكىزۋدى قامتىعان جۇمىس الگوريتمىن ۋاقتىلى قابىلداۋىنىڭ ارقاسىندا قامتاماسىز ەتىلدى. ناتيجەسىندە ەگىس ساپالى جانە وڭتايلى اگرارلىق مەرزىمدە جۇرگىزىلدى», دەپ اتاپ ءوتتى س. وماروۆ.