اقش-تىڭ مارستى زەرتتەيتىن قۇرىلعىسى قىزىل پلانەتادان كونە تۇششى كولدىڭ ىزدەرىن انىقتادى. بۇل تۋرالى Utro.ru حابارلادى.
NASA عالىمدارى گەيلا كراتەرىنەن الىنعان توپىراقتىڭ ۇلگىسىن زەرتتەپ شىقتى. ۇلگىدە كومىرتەك, سۋتەك, وتتەك, ازوت پەن كۇكىرت سەكىلدى نەگىزگى بيولوگيالىق ەلەمەنتتەردىڭ ىزدەرى تابىلدى. مامانداردىڭ ايتۋىنشا, مارستا 3,6 ملرد. جىل بۇرىن كول بولعان جانە وندا ءتىرى باكتەريالار تىرشىلىك ەتكەن. دەگەنمەن, ولار ازىرگە مارستا ەشقانداي تىرشىلىك يەسى بايقالمايتىنىن العا تارتادى. «ءبىز مارستا ەشبىر كونە تىرشىلىكتىڭ بەلگىلەرىن بايقاي المادىق. الايدا, گەيلا كراتەرىندە بۇرىن كول بولعاندىعى بەلگىلى بولدى. سونداي-اق ول كول كەزىندە ميكروبتاردىڭ تىرشىلىك ەتۋىنە قولايلى بولعان كورىنەدى. بۇل مارس زەرتتەۋلەرىن ىلگەرى جىلجىتاتىن ۇلكەن قادام بولىپ وتىر», – دەيدى عالىمدار.
بۇدان بۇرىن مارستى زەرتتەۋگە ارنالعان «Curiosity» قۇرىلعىسىنىڭ ارقاسىندا قىزىل پلانەتاداعى اتموسفەرانىڭ نەگىزگى بولىگى 4 ملرد. جىل بۇرىن قۇرىپ كەتكەنى بەلگىلى بولدى. عالىمداردىڭ ايتۋىنشا, جەڭىل يزوتوپتار اۋىرلارعا قاراعاندا اتموسفەرادان وڭاي شىعىپ كەتەدى. «ال مارس اتموسفەراسىندا اۋىر يزوتوپتار كوپ جينالعان», – دەيدى ولار.
ايدار ورىسباەۆ.
دەرەككوز: Utro.ru