18 قاڭتاردان باستاپ جوعارى وقۋ ورىندارىنىڭ 1 كۋرس ستۋدەنتتەرى ءداستۇرلى فورماتتا وقيتىن بولدى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ءبىلىم جانە عىلىم ۆيتسە-ءمينيسترى ميراس داۋلەنوۆ ءمالىم ەتتى, دەپ حابارلايدى Egemen.kz.
«بۇگىندە قازاقستاندا 128 جوعارى وقۋ ورنى جۇمىس ىستەيدى. ءبىلىم الۋشىلاردىڭ كونتينگەنتى – 619 861 ادامدى قۇرايدى. وزدەرىڭىز بىلەتىندەي, 2020 جىلعى قىركۇيەك ايىندا كوروناۆيرۋس پاندەمياسىنا بايلانىستى جوعارى وقۋ ورىندارىندا وقىتۋ پروتسەسى قاشىقتان جانە ارالاس فورماتتا بولدى. بۇل ءۇشىن جوو-لار قاجەتتى تسيفرلىق ينفراقۇرىلىممەن جابدىقتاۋ بويىنشا جۇمىس جۇرگىزدى», دەدى م. داۋلەنوۆ.
ونىڭ ايتۋىنشا ەندى وسى جىلدىڭ 18 قاڭتارىنان باستاپ جوو-نىڭ 1 كۋرس ستۋدەنتتەرى كوبىنەسە ءداستۇرلى فورماتتا وقيتىن بولادى.
«ناقتىراق ايتساق, لەكتسيالار ونلاين فورماتتا ۇيىمداستىرىلادى. ال سەمينارلار, زەرتحانالىق جانە پراكتيكالىق وقۋلار ءداستۇرلى فورماتتا بولماق. 2, 3, 4-ءىنشى كۋرس ستۋدەنتتەرى ءۇشىن وقۋ فورماتى بۇرىنعىشا قالادى», دەدى ۆيتسە-مينيستر.