پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەنەرگەتيكا ءمينيسترى نۇرلان نوعاەۆ ەلىمىزدىڭ وتىن-ەنەرگەتيكا كەشەنىنىڭ 2020 جىلعى دامۋ قورىتىندىسى تۋرالى باياندادى, دەپ حابارلايدى Egemen.kz.
ءمينيستردىڭ ايتۋىنشا, اتالعان كەزەڭدە مۇناي جانە كوندەنسات ءوندىرۋ كولەمى 85,7 ملن تونناعا جەتتى. رەسپۋبليكا بويىنشا مۇناي ءوندىرۋ 90 ملن توننادان 85,7 ملن تونناعا دەيىن تومەندەتىلدى. كوروناۆيرۋستىڭ تارالۋىنا جانە كوپتەگەن ەلدەردەگى قاتاڭ شەكتەۋ شارالارىنا, الەمدە مۇناي مەن مۇناي ونىمدەرىن تۇتىنۋدىڭ تومەندەۋىنەن, ەكونوميكالىق بەلسەندىلىكتىڭ تومەندەۋى سالدارىنان الەمدىك مۇناي قويمالارىنىڭ تولىپ كەتۋ تاۋەكەلدەرىنە بايلانىستى 2020 جىلى ۇكىمەت مۇناي ءوندىرۋ بويىنشا شەكتەۋ شارالارىن ىسكە اسىردى.
سونىمەن قاتار وپەك+ ۇيىمىنا مۇشە ەلدەر مۇناي ءوندىرۋدى شەكتەۋ بويىنشا وسىنداي شارالاردى قابىلدادى.
«اتالعان شارالار ارقاسىندا الەمدىك مۇناي نارىعىندا ۇسىنىس پەن سۇرانىس تەپە-تەڭدىگىن بىرتىندەپ قالپىنا كەلۋى بايقالادى, مۇنايدىڭ باعاسى ءبىر باررەل ءۇشىن 18 دوللاردان 50 دوللارعا دەيىن ءوستى», — دەدى ن. نوعاەۆ.
سونىڭ ىشىندە, مۇناي-گاز سالاسىنداعى ءiرى كومپانيالار بويىنشا كورسەتكىشتەر تومەندەگىدەي: تەڭىزشەۆرويلدا اتالعان كەزەڭدە 26,4 ملن توننا مۇناي ءوندىرىلدى, بۇل ەسەپتى جىلدىڭ جوسپارىنا 100% قۇرايدى. سولتۇستىك كاسپي جوباسىندا مۇناي ءوندىرۋ كولەمى – 15,1 ملن توننا, ياعني 2020 جىلدىڭ جوسپارى 100% ورىندالدى. قاراشىعاناقتىڭ كورسەتكىشى 12 ملن توننانى قۇراپ وتىر, 2020 جىلدىڭ جوسپارىمەن سالىستىرعاندا 103% كورسەتتى. ەسەپتى كەزەڭ ىشىندە 68,5 ملن توننا مۇناي ەكسپورتتالدى, بۇل ەسەپتى جىلدىڭ جوسپارىمەن سالىستىرعاندا 101,8% ورىندالعان. 2020 جىلدىڭ قورىتىندىسى بويىنشا 55,2 ملرد تەكشە مەتر كولەمىندە گاز ءوندىرىلدى, بۇل ەسەپتى كەزەڭنىڭ جوسپارىمەن سالىستىرعاندا 100% قۇرادى. تاۋارلىق گازدى ىشكى تۇتىنۋ كولەمى 17,2 ملرد تەكشە مەترگە جەتتى, وسى كورسەتكىش وتكەن جىلدىڭ 12 ايىنىڭ جوسپارىنا 104,2% ورىندالدى. سۇيىتىلعان مۇناي گازىن ءوندىرۋ كولەمى 3,2 ملن توننا قۇرايدى.
ەكسپورتقا شىعارىلعان گاز كولەمى 10,7 ملرد تەكشە مەتر, بۇل جوسپارمەن سالىستىرعاندا 102% قۇرايدى. ءمينيستردىڭ ايتۋىنشا, وتكەن جىلدىڭ 12 ايىنىڭ قورىتىندىسى بويىنشا 11,53 ملن توننا مۇناي ونىمدەرى ءوڭدىرىلدى. 4,48 ملن توننا بەنزين, 4,55 ملن توننا ديزەل وتىنى, 2,1 ملن توننا مازۋت, 38 مىڭ توننا اۋە وتىنى, 1 ملن توننا بيتۋم ءوندىرىلدى.
«بۇگىنگى تاڭدا ىشكى نارىق ەلىمىزدە وندىرىلگەن مۇناي ونىمدەرىمەن تولىق قامتاماسىز ەتىلگەن», — دەدى ن. نوعاەۆ.
مۇناي-گاز-حيميا ونىمدەرىنە توقتالاتىن بولساق, ونىڭ كولەمى 359,3 مىڭ تونناعا جەتتى, بۇل 103% قۇرادى. ەسەپتى كەزەڭدە 108 ملرد كۆت/ساعات ەلەكتر ەنەرگياسى ءوندىرىلدى. وسى كەزەڭدە ءىرى اپاتتىق جاعدايلار تىركەلگەن جوق. 2020 جىلدىڭ قورىتىندىسى بويىنشا 19,5 مىڭ توننا ۋران ءوندىرىلدى, بۇل ەسەپتى جىلدىڭ جوسپارىنا 101% قۇرايدى.
«دۇنيەجۇزىلىك ەنەرگەتيكا سالاسىندا جاڭارتىلاتىن ەنەرگەتيكا الەمدىك ترەندكە اينالۋدا. قازاقستاندا جاڭارتىلاتىن ەنەرگەتيكا «جاسىل» ەكونوميكانى دامىتۋدىڭ لوكوموتيۆى. ءبىز «جاسىل» ەكونوميكا تۇجىرىمداماسىندا وزىمىزگە العان مىندەتتەمەلەردى ورىندادىق جانە ەلدىڭ جالپى ەنەرگيا تەڭگەرىمىندەگى جاڭارتىلاتىن ەنەرگيا ۇلەسىن 3%-عا دەيىن جەتكىزدىك», — دەدى ن. نوعاەۆ.
2020 جىلدىڭ قورىتىندىسى بويىنشا جاڭارتىلاتىن ەنەرگەتيكا وبەكتىلەرى وندىرگەن ەلەكتر ەنەرگياسىنىڭ كولەمى 3,15 ملرد كۆت/ساعاتتى قۇرادى, بۇل 2020 جىلدىڭ جوسپارىنا 100%. 2020 جىلى جيىنتىق قۋاتى 583 مۆت 25 جەك جوباسى ىسكە اسىرىلدى (10 جەس, 12 كەس, 1 سەس, 2 بيوەس). بۇل سەكتورعا $1,5 ملرد كولەمىندە ينۆەستيتسيا تارتىلدى. 3000-عا جۋىق ۋاقىتشا جۇمىس ورىندارى, سونداي-اق 1310-عا جۋىق تۇراقتى جۇمىس ورىندارى قۇرىلدى. بيىل قۋاتتىلىعى 391 مۆت بولاتىن 23 وبەكتىنى ىسكە اسىرۋ جوسپارلانىپ وتىر. جالپى ينۆەستيتسيا كولەمى $370 ملن قۇرايدى.