ورتالىق سايلاۋ كوميسسياسى توراعاسى بەرىك يماشەۆ بايقاۋشىلار مەن سايلاۋشىلارعا العىس ايتتى, دەپ حابارلايدى Egemen.kz.
«مىنە, بۇگىن ەلدە سوڭعى ءۇش ايعا سوزىلعان سايلاۋ ناۋقانىن اياقتادىق. بارلىق دەڭگەيدەگى سايلاۋ كوميسسيالارى 2021 جىلعى 10 قاڭتارعا بەلگىلەنگەن پارلامەنت ءماجىلىسى دەپۋتاتتارىنىڭ سايلاۋىن ۇيىمداستىرۋ جانە وتكىزۋ تۋرالى پرەزيدەنت جارلىعىنىڭ ورىندالۋىن قامتاسىز ەتتى. سايلاۋدىڭ سوڭعى قورىتىندىلارى شىعارىلدى», دەي كەلە ب. يماشەۆ سايلاۋ ۇيىمداستىرۋشىلارىنا ءوز العىسىن ءبىلدىردى.
«بارشاڭىزدى وسى ماڭىزدى مەملەكەتتىك جانە ساياسي وقيعامەن قۇتتىقتايمىن. سايلاۋدى ۇيىمداستىرۋشىلارعا ورىنداعان جۇمىسى ءۇشىن, حالىقارالىق ءارى ۇلتتىق بايقاۋشىلاردىڭ سايلاۋ پروتسەسىنىڭ اشىقتىعىن قامتاماسىز ەتۋگە جاردەمدەسكەنى ءۇشىن, ال سايلاۋشىلاردىڭ بەلسەندى ازاماتتىق ۇستانىمى ءۇشىن العىس ايتامىن», دەدى ول.