ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ قاراعاندى وبلىسىنىڭ تەمىرتاۋ قالاسى بويىنشا مەملەكەتتىك ەكولوگيالىق ينسپەكتورى ابىلاي قابدىراشتى قابىلدادى, دەپ حابارلايدى Egemen.kz.
جاس مامانعا وڭىردەگى ەكولوگيالىق پروبلەمالار مەن قورشاعان ورتاعا قاتىستى قۇقىقبۇزۋشىلىقتار تۋرالى مالىمەتتەردى جەدەل جەتكىزىپ وتىرۋ قاجەتتىگىن ايتتى.
«تەمىرتاۋدىڭ حالقى, قوعام وكىلدەرى وتە بەلسەندى. سول حالىقپەن, باق-پەن جۇمىس ىستەۋ كەرەك. «ارسەلور ميتتال» سياقتى ءىرى كاسىپورىندارمەن تىعىز بايلانىستا بولىپ, جۇمىستارىن قاداعالاۋى كەرەك. سوندىقتان بۇل وتە جاۋاپتى جۇمىس»,- دەدى مينيستر كەزدەسۋدە.
ايتا كەتەيىك, قازاقستاندا بۇرىن جەكەلەگەن قالالاردا ەكولوگيالىق ينسپەكتور قىزمەتى بولماعان. تەمىرتاۋدا بۇل قاجەتتىلىك قالانىڭ ناشار ەكولوگيالىق جاعدايى اسەرىنەن تۋىنداپ وتىر. 2020 جىلى تەمىرتاۋ قالاسىنىڭ ەكولوگيالىق پروبلەمالارىن كەشەندى شەشۋ بويىنشا جول كارتاسى قابىلدانعان. اۋاعا لاستاۋشى زاتتاردى نەگىزگى شىعارۋشى - «ارسەلورميتتال تەمىرتاۋ» اق شىعارىندىلاردى ازايتۋ بويىنشا 23 ءىس-شارا اتقارۋى ءتيىس. سونىمەن بىرگە قالادا 500 مىڭ اعاش وتىرعىزۋ تۋرالى كەلىسىم جاسالعان.