ورتالىق سپورت كلۋبىنىڭ سپورتشىلارى الماتى قالاسىندا شاڭعى جارىسىنان وتكەن چەمپيوناتتا ءتورت التىن, كۇمىس جانە ءۇش قولا جۇلدەنى ەنشىلەدى, دەپ حابارلايدى Egemen.kz.
جارىس «Almaty-Arena» مۇز ايدىنى كەشەنىنىڭ اۋماعىندا ورنالاسقان «Almaty Snow Park» جاڭا شاڭعى تاس جولىنىڭ بويىندا ءوتتى.
اتالعان جارىسقا بارلىعى 100-دەن استام سپورتشى قاتىستى.
ەرلەر اراسىنداعى جەكە جارىستىڭ جۇگىرۋ قورىتىندىسى بويىنشا حالىقارالىق دارەجەدەگى سپورت شەبەرى اسەت دۇيسەنوۆ جەڭىمپاز اتاندى, ايەلدەر اراسىندا كۇمىس جۇلدە سەرجانت ماريا ۆلاسوۆاعا, ال قولا جۇلدە لەيتەنانت ەلميرا مولداشەۆاعا بۇيىردى.
ەرلەر اراسىنداعى كوماندالىق ەستافەتادا (1+1) چەمپيون اتانعاندار – سپورتشى-نۇسقاۋشى اسەت دۇيسەنوۆ پەن مەرزىمدى اسكەري قىزمەتشى تەمىرلان تولەگەنوۆ. ال ايەلدەر اراسىندا قولا جۇلدەلەرگە لەيتەنانت ەلميرا مولداشەۆا مەن سەرجانت ماريا ۆلاسوۆا يە بولدى.