2021 جىلعى 11 قاڭتاردا قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ چەح رەسپۋبليكاسى پارلامەنتى دەپۋتاتتار پالاتاسى توراعاسىنىڭ ورىنباسارى ۆويتەح فيليپپەن كەزدەستى, دەپ حابارلايدى Egemen.kz.
تاراپتار قازاقستان مەن چەحيا اراسىنداعى كولىك جانە ونەركاسىپتىك ءوندىرىس سياقتى سالالارداعى ەكىجاقتى ىنتىماقتاستىقتى تەرەڭدەتۋ پەرسپەكتيۆالارىن تالقىلادى.
قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى ەكى ەل اراسىنداعى ىنتىماقتاستىقتىڭ جوعارى الەۋەتىن اتاپ ءوتتى.
ۆ. فيليپ چەح كومپانيالارىنىڭ قازاقستاننىڭ ونەركاسىپتىك كەشەنىنىڭ وكىلدەرىمەن ءوزارا ءىس-قيمىلىن كەڭەيتۋدىڭ ماڭىزدىلىعىن اتاپ ءوتتى.
كەزدەسۋ سوڭىندا تاراپتار سۇحبات ءۇشىن ريزاشىلىقتارىن ءبىلدىرىپ, قازاقستان مەن چەحيا اراسىنداعى قارىم-قاتىناستاردى ودان ءارى دامىتۋدىڭ ماڭىزدىلىعىن اتاپ ءوتتى.
كەزدەسۋگە سونداي-اق چەح رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى گيكل رۋدولف قاتىستى.