2020 جىلدىڭ 12 ايىنىڭ قورىتىندىسى بويىنشا وڭدەۋ ونەركاسىبىندە وڭ ءۇردىس ساقتالدى. سالانىڭ بارلىق سەكتورلارىندا ءوسىم بايقالادى, دەپ حابارلايدى Egemen.kz قر يندۋستريا جانە ينفراقۇرىلىمدىق دامۋ مينيسترلىگى تاراتقان اقپاراتقا سىلتەمە جاساپ.
مىسالى, ءتۇستى مەتاللۋرگيادا ءوندىرىس كولەمى 2,8% - عا ءوستى. قازاقستانداعى ەڭ ءىرى مىس ءوندىرۋشى "قازاقمىس كورپوراتسياسى" تازارتىلعان مىس ءوندىرۋ كولەمىن 5% - عا, قۇيما التىندى 35% - عا, سونداي-اق تۇيىرشىكتى كۇمىستى 17% - عا ۇلعايتتى.
سونىمەن قاتار, "قازاقستان ەلەكتروليز زاۋىتى" باستاپقى اليۋميني ءوندىرىسىنىڭ كولەمىن ۇلعايتتى. "تاۋ-كەن التىن" كاسىپورنى دا وڭ كورسەتكىشتەرگە قول جەتكىزدى. ءوندىرىس وشاعى تازارتىلعان التىن ءوندىرۋ كولەمىن 4% - عا, كۇمىس ءوندىرۋ كولەمىن 46,7% - عا ۇلعايتتى. ەستەرىڭىزگە سالا كەتەيىك, كاسىپورىن ءوز ونىمدەرىنىڭ جوعارى ساپاسىن تاعى ءبىر مارتە دالەلدەپ, سەنىمدى جەتكىزۋشى رەتىندە الەمدىك مويىنداۋعا يە بولدى. تازالىعى 99,99% - دان كەم ەمەس التىن وندىرەتىن اففيناج زاۋىتى لوندون باعالى مەتالدار نارىعى قاۋىمداستىعىنىڭ "GoodDelivery" سەرتيفيكاتىن الدى. وسى سەرتيفيكاتى بار باعالى مەتالدار شەكتەۋسىز بارلىق الەمدىك بيرجالاردا ساۋداعا قابىلدانادى.
12 ايدىڭ قورىتىندىسى بويىنشا قارا مەتاللۋرگيادا ءوسىم 4,1% - دى قۇرادى. قوستانايداعى "ەۆراز كاسپيان ستال" زاۋىتى ارماتۋرالىق جايما ءوندىرىسىنىڭ كولەمىن 7% - عا ۇلعايتتى. ارماتۋرالىق جايما مەملەكەتتىك ستاندارتتارعا سايكەس شىعارىلادى. ءونىمنىڭ ساپاسى زاۋىتتىڭ سىناق زەرتحاناسىندا جاڭا تەحنولوگيالىق جابدىقتارمەن جانە باقىلاۋمەن قامتاماسىز ەتىلەدى.
سونداي-اق, "تاراز مەتاللۋرگيا زاۋىتى" فەرروسيليكومارگانەتس ءوندىرىسىنىڭ كولەمىن 27% - عا, "كاستينگ" جشس ارماتۋرالاردى, شارلاردى جانە دومالاق شىبىقتاردى تاۋارلىق شىعارۋدى 4,2% - عا ۇلعايتتى.