مىسىردان ۇشىپ كەلگەن 4 قازاقستاندىقتان كوروناۆيرۋس انىقتالدى, دەپ حابارلايدى Egemen.kz سانيتاريالىق - ەپيدەميولوگيالىق باقىلاۋ كوميتەتىنە سىلتەمە جاساپ.
2021 جىلعى 10 قاڭتارىندا قازاقستان رەسپۋبليكاسىنىڭ اۋماعىنا گەرمانيا, مالديۆ رەسپۋبليكاسى, ءباا, ەگيپەت, تۇركيا, ۋكراينا, رف, قىرعىزستان جانە وزبەكستاننان 23 حالىقارالىق اۋە رەيسى كەلدى.
2 655 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 2 283 ادام, انىقتاماسىز 372 قر ازاماتتارى كەلدى. ونىڭ ىشىندە: الماتى قالاسىنىڭ اۋەجايىنا – 12 رەيس, 1 531 جولاۋشى, انىقتامامەن - 1 375, انىقتاماسىز - 156;
نۇر-سۇلتان قالاسىنىڭ اۋەجايىنا – 11 رەيس, 1 124 جولاۋشى, انىقتامامەن - 908; انىقتاماسىز - 216.
انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە.
2021 جىلدىڭ 9 قاڭتارىندا انىقتاماسىز كەلگەن 247 قر ازاماتىنىڭ پتر-تالداۋ ناتيجەلەرى بويىنشا شارم-ەل-شەيح – قوستاناي رەيسىمەن كەلگەن 4 جولاۋشىدان كوروناۆيرۋستىق ينفەكتسيا انىقتالدى.