2013 جىلعى 18 قازان, استانا ۇكىمەت ءۇيى«جولاۋشىلاردى تاسىمالداۋ جونىندەگى قىزمەتتى ليتسەنزيالاۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2012 جىلعى 20 قاراشاداعى № 1463 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «جولاۋشىلاردى تاسىمالداۋ جونىندەگى قىزمەتتى ليتسەنزيالاۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2012 جىلعى 20 قاراشاداعى № 1463 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 79, 1175-قۇجات) مىناداي وزگەرىستەر ەنگىزىلسىن:1) ورىس تىلىندەگى ماتىنگە وزگەرىس ەنگىزىلدى, مەملەكەتتىك تىلدەگى ءماتىنى وزگەرمەيدى;2) 2-تارماق مىناداي رەداكتسيادا جازىلسىن:«2. وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى جولاۋشىلاردى وبلىسارالىق قالاارالىق, اۋدانارالىق (وبلىسىشىلىك قالاارالىق) جانە حالىقارالىق قاتىناستاردا اۆتوبۋستارمەن, شاعىن اۆتوبۋستارمەن تۇراقتى ەمەس تاسىمالداۋ, سونداي-اق جولاۋشىلاردى حالىقارالىق قاتىناستا اۆتوبۋستارمەن, شاعىن اۆتوبۋستارمەن تۇراقتى تاسىمالداۋ جونىندەگى ليتسەنزيار بولىپ ايقىندالسىن.»;3) كورسەتىلگەن قاۋلىمەن بەكىتىلگەن جولاۋشىلاردى وبلىسارالىق قالاارالىق, اۋدانارالىق (وبلىسىشىلىك قالاارالىق) جانە حالىقارالىق قاتىناستاردا اۆتوبۋستارمەن, شاعىن اۆتوبۋستارمەن تۇراقتى ەمەس تاسىمالداۋ, سونداي-اق جولاۋشىلاردى حالىقارالىق قاتىناستا اۆتوبۋستارمەن, شاعىن اۆتوبۋستارمەن تۇراقتى تاسىمالداۋ جونىندەگى قىزمەتتى جۇزەگە اسىرۋ ءۇشىن قويىلاتىن بىلىكتىلىك تالاپتارىندا جانە ولارعا سايكەستىكتى راستايتىن قۇجاتتاردىڭ تىزبەسىندە:رەتتىك ءنومىرى 4-جول مىناداي رەداكتسيادا جازىلسىن: « اۆتوبۋستار مەن شاعىن اۆتوبۋستارداعى تاحەوگرافتاردى تەكسەرۋ تۋرالى سەرتيفيكات تاحەوگرافتاردى تەكسەرۋ تۋرالى ءتيىستى سەرتيفيكاتتىڭ كوشىرمەلەرى مەملەكەتتىك قىزمەتتى الۋشى سالىستىرىپ تەكسەرۋ ءۇشىن قۇجاتتاردىڭ تۇپنۇسقالارىن ۇسىنباعان جاعدايدا قۇجاتتاردىڭ نوتاريالدىق كۋالاندىرىلعان كوشىرمەلەرىن ۇسىنادى
».2. وسى قاۋلى العاشقى رەسمي جاريالانعانىنان كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.