سەنات دەپۋتاتتارى نۇرلان بەكنازاروۆ پەن ايگۇل قاپباروۆا شىمكەنتكە ساپارى بارىسىندا قالاعا قوسىلعان ماياتاس جانە توعىس ەلدى مەكەندەرىنىڭ تۇرعىندارىمەن كەزدەستى. مۇندا 20 مىڭعا جۋىق ادام تۇرادى, دەپ حابارلايدى Egemen.kz.
كەزدەسۋدە تۇرعىندار سوڭعى جىلدارى ماياتاس پەن توعىستى دامىتۋ ءۇشىن كوپتەگەن جۇمىستار اتقارىلعانىن ايتتى. تۇرعىنداردىڭ ايتۋىنشا, بۇگىنگى تاڭدا بارلىق جولدار مەن تروتۋارلار تولىعىمەن اسفالتتالىپ, كوشەلەرگە جارىق بەرىلدى جانە اۋلالار اباتتاندىرىلدى. بالالارعا ارنالعان ويىن الاڭدارى مەن سپورت الاڭدارى اشىلدى. ەلەكتر جەلىلەرى مەن ترانسفورماتورلار جاڭارتىلدى.
كەزدەسۋ بارىسىندا جەرگىلىكتى ارداگەرلەر كەڭەسىنىڭ توراعاسى سەناتورلارعا وزەكتى ماسەلەلەردى ورتاعا سالدى. ونىڭ ايتۋىنشا, ماياتاس تۇرعىندارىنىڭ كەيبىر ۇيلەرى قالا قۇرامىنا وتكەن, ال اۋىل شارۋاشىلىعى جەرلەرى تۇركىستان وبلىسى تولەبي اۋدانىنىڭ قاراماعىندا قالىپ وتىر. سونىڭ سالدارىنان فەرمەرلەر سۋبسيديالار مەن باسقا دا مەملەكەتتىك قولداۋعا قول جەتكىزە الماي قالدى. ول سونداي-اق جىل سايىن كوكتەمدە بادام وزەنىنىڭ سالدارىنان بولاتىن سۋ تاسقىنى قاۋپىنىڭ الدىن الۋ جونىندەگى جۇمىستى كۇشەيتۋ قاجەتتىگىن اتاپ ءوتتى.
سەنات دەپۋتاتتارى بۇل پروبلەمالاردى باقىلاۋعا الاتىن بولدى. تۇرعىندارمەن اڭگىمە بارىسىندا سەناتورلار پارلامەنت جۇمىسىنىڭ قورىتىندىلارى تۋرالى ايتىپ بەردى. وتكەن جىلى 110 زاڭ قابىلدانعانى جانە ولاردىڭ كوپشىلىگى حالىقتىڭ الەۋمەتتىك جاعدايىن جاقسارتۋعا باعىتتالعانى اتاپ ءوتىلدى. ەل بيۋدجەتىنىڭ باسىم بولىگى بيىلعى جىلى الەۋمەتتىك سالانى دامىتۋعا, ياعني قازاقستاندىقتاردىڭ ءال-اۋقاتىن ارتتىرۋعا باعىتتالاتىن بولادى.
سەناتورلار ساپار اياسىندا قالانىڭ مەديتسينالىق ورتالىقتارىنىڭ بىرىندە بولدى. ورتالىقتا مەملەكەتتىك تاپسىرىس ەسەبىنەن جەرگىلىكتى ەمحانالاردىڭ جولدامالارى نەگىزىندە حالىقتىڭ 80%-ى تەگىن ەم الادى. دەپۋتاتتار ءوز كەزەگىندە قاجەتتى جانە بىلىكتى مەديتسينالىق كومەكتى ۋاقىتىلى الۋدىڭ ماڭىزدىلىعىن اتاپ ءوتتى.