2013 جىلعى 12 قازان, استانا, ۇكىمەت ءۇيى«اۋىل شارۋاشىلىعى وسىمدىكتەرىن سورتتىق سىناقتان وتكىزۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 28 تامىزداعى № 780 قاۋلىسىنا تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «اۋىل شارۋاشىلىعى وسىمدىكتەرىن سورتتىق سىناقتان وتكىزۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 28 تامىزداعى № 780 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., № 35, 382-قۇجات) مىناداي تولىقتىرۋلار ەنگىزىلسىن:كورسەتىلگەن قاۋلىمەن بەكىتىلگەن اۋىل شارۋاشىلىعى وسىمدىكتەرىن سورتتىق سىناقتان وتكىزۋ ەرەجەسىندە:12-تارماق مىناداي مازمۇنداعى ەكىنشى بولىكپەن تولىقتىرىلسىن: «ۇسىنىلعان سەلەكتسيالىق جەتىستىك اتاۋىنىڭ دۇرىستىعىن تەكسەرۋدى مەملەكەتتىك كوميسسيالار ساراپتامالىق ۇيىمنان ءوتىنىم ماتەريالدارى كەلىپ تۇسكەن كۇننەن باستاپ ەكى اي مەرزىمدە جۇزەگە اسىرادى.»;14-تارماق مىناداي مازمۇنداعى ەكىنشى بولىكپەن تولىقتىرىلسىن:«ەگەر كورسەتىلگەن مەرزىم ىشىندە ءوتىنىم بەرۋشى كورسەتىلگەن تالاپتارعا سايكەس كەلەتىن جاڭا اتاۋ ۇسىنباسا نە اپەللياتسيالىق كەڭەستە سەلەكتسيالىق جەتىستىكتىڭ اتاۋىن ماقۇلداۋدان باس تارتۋدى داۋلاماسا, ۋاكىلەتتى ورگان سەلەكتسيالىق جەتىستىكتى تىركەۋدەن باس تارتادى.».2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.