«اق جول» دەموكراتيالىق پارتياسىنىڭ توراعاسى ازات پەرۋاشەۆ قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىنىڭ سايلاۋىندا نۇر-سۇلتانداعى №122 سايلاۋ ۋچاسكەسىندە داۋىس بەردى.
«سايلاۋ الدىنداعى ۇگىت-ناسيحات جۇمىستارى كەزىندە بارلىعى نە ىستەي الاتىندىعىن مۇمكىندىگىنشە كورسەتتى. بۇل سايلاۋ ءادىل جانە اشىق وتەدى دەپ سەنەمىن. داۋىستار ءادىل سانالادى دەپ سەنەمىن. بىراق ماسەلە تەك ءۇمىت كۇتۋدە ەمەس, سونىمەن بىرگە ءبىزدىڭ سايلاۋعا قاتىسۋىمىزعا دا بايلانىستى. پروتسەستىڭ تىكەلەي قاتىسۋشىسى رەتىندە ءبىز سايلاۋدى قالاعان جولمەن وتكىزۋگە كۇش سالىپ, ءوز ۇلەسىمىزدى قوسۋعا مىندەتتىمىز. ارينە ءبىز ءوز پارتيامىزعا بەرىلگەن بارلىق داۋىستاردى قورعاۋعا مۇددەلىمىز. «اق جول» پارتياسىنىڭ ماجىلىسكە وتەتىنىنە كۇماندانبايمىن. سونىمەن قاتار بۇل ماسەلەگە حالىق, ياعني سايلاۋشىلار ءوز نۇكتەسىن قويادى», دەدى «اق جول» پارتياسىنىڭ توراعاسى ازات پەرۋاشەۆ.
«اق جول» دەموكراتيالىق پارتياسىنان پارلامەنت ءماجىلىسى دەپۋتاتتىعىنا 38, ال بارلىق وڭىردەگى ءماسليحاتتار دەپۋتاتتىعىنا 703 ادام ۇمىتكەر رەتىندە تىركەلدى.