2013 جىلعى 11 قازان, استانا, ۇكىمەت ۇيىقازاقستان رەسپۋبليكاسى ۇكىمەتىنىڭ «مەملەكەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ جانە پايدالانۋ قاعيدالارىن بەكىتۋ تۋرالى» 2011 جىلعى 1 جەلتوقسانداعى № 1420 جانە «مەملەكەتتىك تۇرعىن ءۇي قورىنان تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج قازاقستان رەسپۋبليكاسىنىڭ ازاماتتارىن ەسەپكە قويۋ قاعيدالارىن بەكىتۋ تۋرالى» 2012 جىلعى 26 ماۋسىمداعى № 856 قاۋلىلارىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر مەن تولىقتىرۋلار ەنگىزىلسىن:1) «مەملەكەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ جانە پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 1 جەلتوقسانداعى № 1420 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., №5, 88-قۇجات):كورسەتىلگەن قاۋلىمەن بەكىتىلگەن مەملەكەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ جانە پايدالانۋ قاعيدالارىندا:ورىس تىلىندەگى ماتىنگە وزگەرىس ەنگىزىلدى, مەملەكەتتىك تىلدەگى ءماتىنى وزگەرمەيدى;5-تارماقتا:مىناداي مازمۇنداعى 1-1) تارماقشامەن تولىقتىرىلسىن:«1-1) جەتىم بالالارعا, اتا-اناسىنىڭ قامقورلىعىنسىز قالعان بالالارعا;»;2) تارماقشا مىناداي رەداكتسيادا جازىلسىن:«2) زاڭنىڭ 68-بابىنىڭ 1-1), 2), 3), 4), 5), 7), 8), 9), 10), 11) تارماقشالارىندا كورسەتىلگەن, تۇرعىن ءۇي بەرۋ تۋرالى ءوتىنىش جاساۋدىڭ الدىندا سوڭعى ون ەكى اي ىشىندە جيىنتىق ورتاشا ايلىق تابىسى بار وتباسىنىڭ ءاربىر مۇشەسىنە رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەنگى كۇنكورىس دەڭگەيىنىڭ 3,1 ەسەلەنگەن مولشەرىنەن تومەن بولاتىن, حالىقتىڭ الەۋمەتتىك جاعىنان وسال توپتارىنا جاتاتىن قازاقستان رەسپۋبليكاسى ازاماتتارىنىڭ پايدالانۋىنا بەرىلەدى.ەڭ تومەنگى كۇنكورىس دەڭگەيىنىڭ 3,1 ەسەلەنگەن مولشەرىندەگى كوەففيتسيەنت مۇگەدەك بالالارى بار نەمەسە ولاردى تاربيەلەۋشى وتباسىلارعا قولدانىلمايدى;»;9-تارماقتىڭ 10) تارماقشاسى مىناداي رەداكتسيادا جازىلسىن:«10) حالىقتىڭ الەۋمەتتىك جاعىنان وسال توپتارىنا جاتاتىن ازاماتتار (مۇگەدەك بالالارى بار نەمەسە ولاردى تاربيەلەۋشى وتباسىلاردى قوسپاعاندا) ءوتىنىش جاساۋدىڭ الدىندا وتباسىنىڭ ءاربىر مۇشەسىنىڭ سوڭعى ون ەكى اي ىشىندە تابىسى تۋرالى قوسىمشا مالىمەت (كوممۋنالدىق تۇرعىن ءۇي قورىنان تۇرعىن ءۇي بەرگەن كەزدە) تاپسىرادى.»;2) «مەملەكەتتىك تۇرعىن ءۇي قورىنان تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج قازاقستان رەسپۋبليكاسىنىڭ ازاماتتارىن ەسەپكە قويۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 26 ماۋسىمداعى № 856 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., № 59, 815-قۇجات):كورسەتىلگەن قاۋلىمەن بەكىتىلگەن مەملەكەتتىك تۇرعىن ءۇي قورىنان تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج قازاقستان رەسپۋبليكاسىنىڭ ازاماتتارىن ەسەپكە قويۋ قاعيدالارىندا:2-تارماقتا:مىناداي مازمۇنداعى 1-1) تارماقشامەن تولىقتىرىلسىن:«1-1) جەتىم بالالارعا, اتا-اناسىنىڭ قامقورلىعىنسىز قالعان بالالارعا;»;2) تارماقشا مىناداي رەداكتسيادا جازىلسىن:«2) وسى قاعيدالاردىڭ 3-تارماعىنىڭ 2), 3), 4), 5), 6), 8), 9), 10), 11) جانە 12) تارماقشالارىندا كورسەتىلگەن, تۇرعىن ءۇي بەرۋ تۋرالى ءوتىنىش جاساۋدىڭ الدىندا سوڭعى ون ەكى اي ىشىندە جيىنتىق ورتاشا ايلىق تابىسى وتباسىنىڭ ءاربىر مۇشەسىنە رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەنگى كۇنكورىس دەڭگەيىنىڭ 3,1 ەسەلەنگەن مولشەرىنەن تومەن بولاتىن, حالىقتىڭ الەۋمەتتىك جاعىنان وسال توپتارىنا جاتاتىن قازاقستان رەسپۋبليكاسىنىڭ ازاماتتارى قويىلادى. ەڭ تومەنگى كۇنكورىس دەڭگەيىنىڭ 3,1 ەسەلەنگەن مولشەرىندەگى كوەففيتسيەنت مۇگەدەك بالالارى بار نەمەسە ولاردى تاربيەلەۋشى وتباسىلارعا قولدانىلمايدى;»;مىناداي مازمۇنداعى 2-1-تارماقپەن تولىقتىرىلسىن:«2-1. جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ زاڭدى وكىلدەرى جەتىم بالالار, اتا-اناسىنىڭ قامقورلىعىنسىز قالعان بالالار ءبىلىم بەرۋ ۇيىمىنا, مەديتسينالىق نەمەسە باسقا دا ۇيىمعا كەلىپ تۇسكەن كۇننەن باستاپ نەمەسە وسىنداي بالالارعا قورعانشىلىق نەمەسە قامقورشىلىق بەلگىلەنگەن كۇنىنەن نە پاترونات تاربيەشىمەن شارت جاساسقان كۇنىنەن باستاپ التى اي ىشىندە بالانى تۇرعىن ءۇي الۋ ءۇشىن جەرگىلىكتى اتقارۋشى ورگاندا ەسەپكە قويادى.»;8-تارماقتىڭ 9) تارماقشاسى مىناداي رەداكتسيادا جازىلسىن:«9) حالىقتىڭ الەۋمەتتىك جاعىنان ءالسىز توپتارىنا جاتاتىن ازاماتتار (مۇگەدەك بالالارى بار نەمەسە ولاردى تاربيەلەۋشى وتباسىلاردى قوسپاعاندا) ءوتىنىش جاساۋدىڭ الدىندا وتباسىنىڭ ءاربىر مۇشەسىنە سوڭعى ون ەكى اي ىشىندەگى تابىسى تۋرالى مالىمەتتى قوسىمشا ۇسىنادى;».2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.