قازاقستاندىق تەننيسشى ەلەنا رىباكينا ءابۋ-دابيدە ءوتىپ جاتقان حالىقارالىق ءتۋرنيردىڭ ¼ فينالىنا جولداما الدى.
جارىستىڭ ەكىنشى اينالىمىندا وتانداسىمىز WTA رەيتينگىندە 123-ورىندا تۇرعان قىتايلىق ۆان سيۋمەن كەزدەسىپ, ەكى سەتتە 6:4, 6:4 ەسەبىمەن باسىم ءتۇستى. ەكى تەننيسشى بۇعان دەيىن ءبىر-بىرىمەن 2017 جىلى US Open-دە جولىعىپ, ول ويىندا دا رىباكينا 7:5, 6:1 ەسەبىمەن ايقىن جەڭىسكە جەتكەن-ءدى.
وتانداسىمىز ءۇشىنشى اينالىمداعى كەزدەسۋىن كۇنى كەشە الەمدىك رەيتينگتە 72-ورىنعا جايعاسقان داريا كاساتكينامەن وتكىزىپ, بۇل جولى دا ماتچتى ەكى سەتتەن (6:3, 6:4) ارى اسىرعان جوق. بىلتىر قارسىلاستار ءوزارا ءبىرىنشى رەت كەزدەسىپ, وندا رەسەيلىك تەننيسشى باسىم تۇسكەن ەدى. بۇل جولى جەرلەسىمىز ەسە قايتارۋعا مۇمكىندىك الدى. ەندى ە.رىباكينا شيرەك فينالدا الەمنىڭ 10, وسى دودانىڭ 4-راكەتكاسى ارينا سوبولەنكومەن (بەلارۋس) شەبەرلىك بايقاسادى.
قازاقستاندىق يۋليا پۋتينتسەۆانىڭ دا ءۇشىنشى كەزەڭگە وتكەنىن ايتا كەتەيىك.