جاڭا كەزەڭگە باستايتىن جاڭا قادام

10 قاڭتار كۇنى تاڭعى ساعات 07.00-دەن باستاپ ەل ازاماتتارى پارلامەنت ءماجىلىسى مەن ءماسليحات دەپۋتاتتارىن ساي­لاۋعا اعىلدى. ەلىمىزدىڭ بارلىق وڭىرىن­دە ۋچاسكەلەر اشىلعان ساتتەن باس­تاپ ورتا­لىق سايلاۋ كوميسسياسى (وسك) سايلاۋ بارىسى تۋرالى وزەكتى اقپاراتتى جاريالاپ وتىردى. كەزەڭ-كەزەڭىمەن بريفينگتەر ۇيىمداستىرىلىپ, ەكى ساعات سايىن حابار تاراتىلدى.

وسك مۇشەسى اسىلبەك سماعۇلوۆ حابار­لاعانداي, استانا ۋاقىتىمەن ساعات 7.00-دە 12 وڭىردە 8 141 سايلاۋ ۋچاسكەسى داۋىس بەرۋگە كىرىسكەن.

سونداي-اق 12 شەت مەملەكەتتەگى قازاق­ستان رەسپۋبليكاسىنىڭ وكىلدىكتەرى جانىنداعى 12 سايلاۋ ۋچاسكەسى داۋىس بەرۋگە ساقاداي ساي بولعان.

رەسپۋبليكادا بارلىعى 10 060 سايلاۋ ۋچاسكەسى بار. سونىڭ ىشىندە 66 ساي­لاۋ ۋچاسكەسى – 53 ەلدە قازاقستان رەسپۋب­ليكا­سىنىڭ شەت مەملەكەتتەردەگى وكىلدىكتەرى جانىندا اشىلعان.

47 ۋچاسكەدە داۋىس بەرۋ ەرتەرەك, تاڭعى ساعات التىدا باستالدى.

قازاقستان رەسپۋبليكاسىنىڭ اۋماعىن­­­داعى ۋاقىت ايىرماشىلىعىنا سايكەس 5 وڭىردە – اقتوبە, اتىراۋ, باتىس قازاقستان, قىزىلوردا جانە ماڭعىس­تاۋ وب­لىس­تارىندا داۋىس بەرۋ استانا ۋاقىتى­مەن ساعات 8.00-دە باستالدى.

ءماجىلىس سايلاۋىنا ەلىمىزدە تىركەلگەن 5 ساياسي پارتيا, اتاپ ايتقاندا «اۋىل» حالىقتىق-دەموكراتيالىق پاتريوتتىق پارتياسى, Nur Otan پارتياسى, ADAL سايا­سي پارتياسى, قازاقستاننىڭ «اق جول» دەموكراتيالىق پارتياسى, «قازاقستاننىڭ حالىق پارتياسى» دەپۋتاتتىق مانداتتان ءۇمىتتى. بۇل پارتيالار بارلىق دەڭگەيدەگى جەرگىلىكتى ماسليحاتتارعا دا ءوز كانديداتتارىن ۇسىنعان. ماجىلىسكە 5 پارتيادان بارلىعى 312 كانديدات, ونىڭ ىشىندە: «اۋىل» پارتياسىنان 19, Nur Otan پارتياسىنان 126, ADAL پارتياسىنان 16, «اق جول» پارتياسىنان 38 جانە «قازاقستاننىڭ حالىق پارتياسىنان» 113 ادام بار. ال جەرگىلىكتى ماسليحاتتارعا 832, ونىڭ ىشىندە «اۋىل» حدپپ-دان – 158, Nur Otan پارتياسىنان – 216, ADAL سپ-دان – 215, «اق جول» قدپ-دان – 174, «قازاقستان حالىق پارتياسىنان» 69 ۇمىتكەر تىركەلدى.

ورتالىق سايلاۋ كوميسسياسى تور­اعا­سىنىڭ ورىنباسارى كونستانتين پەتروۆ ەلوردا ۋاقىتىمەن ساعات 8.00-دە وبلىستاردىڭ, الماتى, شىمكەنت جانە نۇر-سۇلتان قالالارىنىڭ سايلاۋ كوميسسيالارى ۇسىنعان دەرەكتەرگە سايكەس رەسپۋبليكاداعى بارلىق 9994 سايلاۋ ۋچاسكەسى مەن شەت مەملەكەتتەردەگى قازاقستان رەسپۋبليكاسى وكىلدىكتەرىنىڭ جانىنداعى 17 سايلاۋ ۋچاسكەسى داۋىس بەرۋگە كىرىسكەنىن مالىمدەدى. شەتەلدەردەگى 49 سايلاۋ ۋچاسكەسى ۋاقىت ايىرماشىلىعىنا بايلانىستى جۇمىسىنا كىرىستى.

كەشەگى سايلاۋدا ەڭ ءبىرىنشى بولىپ وڭتۇستىك كورەياداعى كوريو ۋنيۆەر­سيتەتىندە وقيتىن قازاقستان ازاماتى ادەلينا الپامىستىڭ داۋىس بەرگەنى بەلگىلى بولدى. بۇل تۋرالى سىرتقى ىستەر مينيسترلىگى حابارلادى.

وسك مالىمەتىنە سايكەس, سايلاۋشىعا وزگە وڭىردە داۋىس بەرۋگە مۇمكىندىك بەرەتىن بارلىعى 10 599 ەسەپتەن شىعارۋ كۋالىگى بەرىلگەن ەكەن. وسى كۋالىك ارقىلى ءوز سايلاۋ ۋچاسكەسىنە بارا الماعان ازاماتتار وزگە ەل, قالا نە اۋداندا ورنالاسقان ۋچاسكەدە داۋىس بەرە الدى.

ال سايلاۋشىلار تىزىمدەرىنىڭ تولىق­تىعى مەن دۇرىستىعىن قامتاماسىز ەتۋ بويىنشا جۇمىستى جەرگىلىكتى اتقارۋشى ور­گاندار مەن سايلاۋ كوميسسيالارى بىر­لەسە اتقاردى. تىزىمگە قازاقستان بويىنشا بارلىعى 11 915 903 سايلاۋشى ەنگەن.

ساعات 10.00-دەگى جاعداي بويىنشا سايلاۋشىلاردىڭ جالپى سانىنىڭ 11,6 پايىزى داۋىس بەرگەنى حابارلاندى. ورتالىق سايلاۋ كوميسسياسىنىڭ مۇشەسى ەرلان داۋىلباەۆتىڭ اتاپ وتۋىنشە, بۇل ۋاقىتتا داۋىس بەرۋ كورسەتكىشى اقمولا وبلىسى بويىنشا – 10,2, اقتوبە وبلىسى بويىنشا – 9,9, الماتى وبلىسى بويىنشا – 11,3, اتىراۋ وبلىسى بو­يىنشا – 10,3, باتىس قازاقستان وبلىسى بويىنشا – 12,7, جامبىل وبلىسى بو­يىنشا – 12,8, قاراعاندى وبلىسى بو­يىنشا – 10,4, قوستاناي وبلىسى بويىنشا – 11,2, قىزىلوردا وبلىسى بويىنشا – 10,3, ماڭعىستاۋ وبلىسى بويىنشا – 8,7, پاۆلودار وبلىسى بويىنشا – 14,0, سولتۇستىك قازاقستان وبلىسى بويىنشا – 14,9, تۇركىستان وبلىسى بويىنشا – 13,3, شىعىس قازاقستان وبلىسى بويىنشا – 12,1, نۇر-سۇلتان قالاسى بويىنشا – 10,8, الماتى قالاسى بويىنشا – 9,7, شىمكەنت قالاسى بويىنشا 14,4 پايىزدى قۇرادى.

كەلەسى ساعاتتاردا داۋىس بەرۋشىلەر سانى ەكى ەسەگە ارتتى. وسك مۇشەسى اناستاسيا ششەگورتسوۆا ساعات 12.00-دە سايلاۋ بيۋللەتەندەرىن تىزىمگە ەنگىزىلگەن سايلاۋشىلاردىڭ جالپى سانىنىڭ 28,8% العانىن مالىمدەدى. جەرگىلىكتى سايلاۋ كوميسسيالارى ۇسىنعان دەرەكتەرگە سايكەس سايلاۋشىلار اقمولا وبلىسى بويىنشا – 26,6, اقتوبە وبلىسى بويىنشا – 25,6, الماتى وبلىسى بويىنشا – 28,5, اتىراۋ وبلىسى بويىنشا – 29,8, باتىس قازاقستان وبلىسى بويىنشا – 32,2, جامبىل وبلىسى بويىنشا – 32,1, قاراعاندى وبلىسى بويىنشا – 33,5, قوستاناي وبلىسى بو­يىنشا – 30,1, قىزىلوردا وبلىسى بويىنشا – 28,9, ماڭعىستاۋ وبلىسى بويىنشا – 23,7, پاۆلودار وبلىسى بويىنشا – 33,1, سولتۇستىك قازاقستان وبلىسى بويىنشا – 34,2, تۇركىستان وبلىسى بويىنشا – 33,1, شىعىس قازاقستان وبلىسى بويىنشا – 29,9, نۇر-سۇلتان قالاسى بويىنشا – 24,2, الماتى قالاسى بويىنشا – 15,7, شىمكەنت قالاسى بويىنشا 34,1 پايىز داۋىس بەرگەن.

بيىلعى سايلاۋدىڭ الەمدى جايلاعان پاندەميا كەزىندە ءوتۋى جاعدايدى كۇردە­لەندىرگەنى بەلگىلى. سايلاۋدىڭ بارلىق تالاپتارعا ساي وتۋىنەن بولەك, حالىق دەن­ساۋلىعىنا دا باسا ءمان بەرىلدى. وعان سايكەس قابىلدانعان قاۋىپسىزدىك شارا­لارى تۋرالى دەنساۋلىق ساقتاۋ ۆيتسە-ءمينيسترى – باس مەملەكەتتىك سانيتار دارىگەر ەرلان قياسوۆ باياندادى. سايلاۋ كوميسسياسى مۇشەلەرى مەن كەلۋشىلەردىڭ قاۋىپسىزدىگىن قامتاماسىز ەتۋ ءۇشىن الەۋمەتتىك اراقاشىقتىقتى ساقتاۋ, كىرەبەرىستە تەرمومەترمەن دەنە قىزۋىن ولشەۋ, سايلاۋشىلاردىڭ ءجۇرۋ باعىتىن كورسەتەتىن بەلگىلەر قويۋ جانە كوميسسيا مۇشەلەرىنە 3 ساعات سايىن ماسكا اۋىستىرۋ سەكىلدى شارالار قاراستىرىلدى. سونداي-اق بايقاۋشىلار مەن باق وكىلدەرى دە بۇل تالاپتاردى ورىنداۋى شارت.

«ەپيدەميالىق جاعدايدى باعا­لاۋ ماتريتساسىنا سايكەس 2021 جىل­عى 5 قاڭتارداعى جاعداي بويىنشا تاۋەكەلى جوعا­رى جانە ورتاشا ايماقتاردا («قى­زىل» جانە «سارى ايماقتا») بولعان سايلاۋ كوميسسياسىنىڭ بارلىق مۇشەسى, بايقاۋ­شىلار, وڭىرلەردەگى سەنىمدى ادامدار پتر ادىسىمەن COVID-19-عا زەرت­حانالىق تەكسەرۋدەن ءوتتى», دەپ اتاپ ءوتتى ەرلان قياسوۆ.

تۇستەن كەيىن, ساعات 14.00-دەگى بريفينگتە ەلىمىزدەگى سايلاۋشىلاردىڭ 43,9 پايىزى تاڭداۋىن جاساعانى بەلگىلى بولدى. وسك مۇشەسى ەرلان داۋىلباەۆ اتاپ وتكەندەي, اقمولا وبلىسى بويىنشا – 41,3, اقتوبە وبلىسى بويىنشا – 41,1, الماتى وبلىسى بويىنشا – 43,0, اتىراۋ وبلىسى بويىنشا – 37,3, باتىس قازاقستان وبلىسى بويىنشا – 47,5, جامبىل وبلىسى بويىنشا – 55,1, قاراعاندى وبلىسى بويىنشا – 51,6, قوستاناي وبلىسى بو­يىنشا – 49,9, قىزىلوردا وبلىسى بويىنشا – 48,7, ماڭعىستاۋ وبلىسى بويىنشا – 36,0, پاۆلودار وبلىسى بويىنشا – 51,1, سولتۇستىك قازاقستان وبلىسى بويىنشا – 58,2, تۇركىستان وبلىسى بويىنشا – 46,6, شىعىس قازاقستان وبلىسى بويىنشا – 48,8, نۇر-سۇلتان قالاسى بويىنشا – 37,0, الماتى قالاسى بويىنشا – 21,9, شىمكەنت قالاسى بويىنشا 44,5 پايىز سايلاۋشى داۋىس بەرگەن.

ال ساعات 16.00-دە سايلاۋشىلاردىڭ جارتىسىنان استامى داۋىس بەرىپ ۇلگەردى. وسك حاتشىسى ءسابيلا مۇستافينانىڭ دەرەگىنە سايكەس, ەل بويىنشا بارلىعى 52,5 پايىز ادام, وڭىرلەر بويىنشا: اقمولا وبلىسى بويىنشا – 56,9, اقتوبە وبلىسى بويىنشا – 45,6, الماتى وبلىسى بويىنشا – 58,0, اتىراۋ وبلىسى بويىنشا – 45,6, باتىس قازاقستان وبلىسى بويىنشا – 53,5, جامبىل وبلىسى بويىنشا – 63,4, قاراعاندى وبلىسى بو­يىنشا – 58,8, قوستاناي وبلىسى بو­يىنشا – 62,4, قىزىلوردا وبلىسى بويىنشا – 60,9, ماڭعىستاۋ وبلىسى بويىنشا – 43,3, پاۆلودار وبلىسى بويىنشا – 57,8, سولتۇستىك قازاقستان وبلىسى بويىنشا – 62,4, تۇركىستان وبلىسى بويىنشا – 53,6, شىعىس قازاقستان وبلىسى بويىنشا – 62,0, نۇر-سۇلتان قالاسى بويىنشا – 41,1, الماتى قالاسى بويىنشا – 25,3, شىمكەنت قالاسى بويىنشا 49,2 پايىزى تاڭداۋ جاسادى.

سايلاۋدى رەسپۋبليكا بويىنشا وتان­دىق بايقاۋشىلارمەن قاتار, شەتەل­دىك بايقاۋشىلار دا بەلسەندى باقى­لادى. جەرگىلىكتى بايقاۋشىلاردىڭ قۇرامىنا كاسىپوداقتار فەدەراتسياسى, قازاقستاننىڭ ازاماتتىق اليانسى جانە 2000-نان استام ۇكىمەتتىك ەمەس ۇيىم مۇشەسى قاتىسقان. سايلاۋ بارىسىن باقىلاۋعا بارلىعى 19 650 جەرگىلىكتى بايقاۋشى اتسالىستى.

ەلىمىزدەگى پارلامەنتتىك سايلاۋعا شەتەلدىك بۇقارالىق اقپارات قۇرالدارى­مەن قاتار حالىقارالىق ساراپشىلار دا دەن قويدى. دۇنيە جۇزىندەگى كۇردەلى احۋالعا قاراماستان ءوتىپ جاتقان سايلاۋعا شەتەلدىك بايقاۋشىلار جوعارى باعا بەرىپ, قازاقستانداعى ساياسي ناۋقاننىڭ وزگە مەملەكەتتەر ءۇشىن ايتارلىقتاي ماڭىز­عا يە ەكەنىن مالىمدەدى. ساياسي شارا كۇنى بىرنەشە سايلاۋ ۋچاسكەسىندە بول­عان ەۋروپالىق پارلامەنتتىڭ دەپۋتاتى فۋلفيو مارتۋشەللو سايلاۋشى­لاردىڭ دەنى تۇسكە دەيىن داۋىس بەرىپ ۇلگەرگەنىن, حالىق سايلاۋعا ەرىكتى تۇردە قاتىسقانىن ايتتى. ساراپشى مۇنى حالىقتىڭ بولاشاق الدىنداعى جاۋاپ­كەرشىلىكتى جەتە سەزىنگەنى دەگەن باعا بەردى. سونداي-اق حالىقارالىق ساراپشىلار سايلاۋشىلاردىڭ كوپتەپ كەلۋى حالىقتىڭ پاندەميادان كەيىن قالىپتى ومىرگە تۇسە باستاعاندىعىن كورسەتەدى دەگەن پىكىر ءبىلدىردى.

حالىقتىڭ داۋىس بەرۋ كورسەتكىشىنە ورالساق, ساعات 18.00-دەگى جاعداي بويىنشا سايلاۋشىلاردىڭ 58,2 پايىزى داۋىس بەرگەن. وڭىرلەر بويىنشا: اقمولا وبلىسىندا – 65,1, اقتوبە وبلىسىندا – 52,4, الماتى وبلىسىندا – 66,5, اتىراۋ وبلىسىندا – 51,1, باتىس قازاقستان وبلىسىندا – 57,7, جامبىل وبلىسىندا – 68,3, قاراعاندى وبلىسىندا – 65,2, قوستاناي وبلىسىندا – 69,1, قىزىلوردا وبلىسىندا – 67,9, ماڭعىستاۋ وبلىسىندا – 49,1, پاۆلودار وبلىسىندا – 64,5, سولتۇستىك قازاقستان وبلىسىندا – 69,8, تۇركىستان وبلىسىندا – 59,9, شىعىس قازاقستان وبلىسىندا – 67,2, نۇر-سۇلتان قالاسىندا – 44,0, الماتى قالاسىندا – 27,7, شىمكەنت قالاسىندا 53,2 پايىزى تاڭداۋ جاساعان.

ساعات 20.00-دە ەلىمىزدىڭ 12 وڭىرىندە داۋىس بەرۋ اياقتالدى. ورتالىق سايلاۋ كوميسسياسىنىڭ دەرەگىنە سايكەس استانا ۋاقىتىمەن ساعات 20:00-دە ەلىمىزدىڭ 12 وڭىرىندەگى 8 144 سايلاۋ ۋچاسكەسى جابىلدى. اقتوبە, اتىراۋ, باتىس قازاقستان, قىزىلوردا جانە ماڭعىستاۋ وبلىستارىندا داۋىس بەرۋ تاعى ءبىر ساعاتقا سوزىلدى. سونىمەن قاتار قازاقستاننىڭ شەتەل­دەردەگى وكىلدىكتەرى جانىنان اشىلعان 10 سايلاۋ ۋچاسكەسىندە سايلاۋشىلار داۋىس بەرىپ بولدى. شەتەلدەگى 56 ۋچاس­كەدە داۋىس بەرۋ جالعاسۋدا. 11 قاڭتار كۇنى نۇر-سۇلتان ۋاقىتىمەن تاڭعى ساعات 07:00-دە امەريكا قۇراما شتاتتارى مەن كاناداداعى قازاقستان ازاماتتارى داۋىس بەرۋدى اياقتايدى.

ساعات 20.00-دەگى جاعداي بويىنشا سايلاۋشىلاردىڭ جالپى سانىنىڭ 63,1 پايىزى سايلاۋ بيۋللەتەندەرىن العان. وسك دەرەگىنە سايكەس, داۋىس بەرۋ كورسەتكىشى اقمولا وبلىسى بويىنشا – 72,8, اقتوبە وبلىسى بويىنشا – 57,7, الماتى وبلىسى بويىنشا – 73,5, اتىراۋ وبلىسى بويىنشا – 55,5, باتىس قازاقستان وبلىسى بويىنشا – 61,5, جامبىل وبلىسى بويىنشا – 72,2, قاراعاندى وبلىسى بو­يىنشا – 70,7, قوستاناي وبلىسى بو­يىنشا – 71,8, قىزىلوردا وبلىسى بويىنشا – 72,7, ماڭعىستاۋ وبلىسى بويىنشا – 54,0, پاۆلودار وبلىسى بويىنشا – 71,3, سولتۇستىك قازاقستان وبلىسى بويىنشا – 75,5, تۇركىستان وبلىسى بويىنشا – 65,8, شىعىس قازاقستان وبلىسى بويىنشا – 72,4, نۇر-سۇلتان قالاسى بويىنشا – 45,1, الماتى قالاسى بويىنشا – 30,3, شىمكەنت قالاسى بويىنشا 56,5 پايىزعا جەتتى.

21.00. ەلىمىزدىڭ بارلىق وڭىرىندە سايلاۋ ۋچاسكەلەرى جابىلىپ, پارلامەنت ءماجىلىسى مەن ءماسليحاتتارى دەپۋتاتتارىنا داۋىس بەرۋ اياقتالدى. ورتالىق سايلاۋ كوميسسياسى استانا ۋاقىتىمەن ساعات 20.00-دە ەلىمىزدىڭ 12 وڭىرىندە, ال ساعات 21.00-دە 5 وڭىردە سايلاۋ ۋچاسكەلەرى جابىلعانىن مالىمدەدى. وسىلايشا, كەزەكتى سايلاۋ ناۋقانىنا وراي اشىلعان 12 وڭىردەگى 8 141, 5 وڭىردەگى 1 853 سايلاۋ ۋچاسكەسى جۇمىسىن اياقتادى. سونىمەن قاتار قازاقستاننىڭ 53 شەت مەملەكەتتەگى وكىلدىكتەرى جانىنان اشىلعان 66 سايلاۋ ۋچاسكەسىنىڭ 10-ىندا سايلاۋشىلار ءوز داۋىستارىن بەرىپ بولدى.

بۇل كۇنى سىرتقى ىستەر مينيسترلىگىنىڭ دە شەتەلدەردەگى سايلاۋ بارىسى تۋرالى اقپارات تاراتقانىن ايتا كەتكەن ءجون. ۆەدومستۆو الەم ەلدەرىندە اشىلعان سايلاۋ ۋچاسكەلەرى, داۋىس بەرۋگە كەلگەن قازاقستان ازاماتتارى تۋرالى اقپاراتتى دەر كەزىندە باق وكىلدەرىنە بەرىپ وتىردى. قازاقستاننىڭ شەتەلدەردەگى مەكەمەلەرىندە كونسۋلدىق ەسەپتە 11 مىڭنان استام ازامات تىركەلگەن. بۇل تۋرالى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ وسك-دا وتكەن بريفينگتە مالىمدەدى. «قازاقستان رەسپۋبليكاسىنىڭ ديپلوماتيالىق وكىلدىكتەرى جانىنان دۇنيە ءجۇزىنىڭ 53 مەملەكەتىندە 66 سايلاۋ ۋچاسكەسى قۇرىلدى. الەمنىڭ ءارتۇرلى ەلدەرى COVID-19 پاندەمياسىنا بايلانىس­تى شەكارانى جابۋ, كولىك قاتىناسىن توقتاتۋ, كومەندانتتىق ساعات, لوكداۋن جانە كارانتين سياقتى شەكتەۋ شارالارىن ەنگىزۋىنە قاراماستان, اتالعان بارلىق سايلاۋ ۋچاسكەلەرىنە بيۋللەتەن جانە باسقا دا سايلاۋ اتريبۋتتارى ۋاقتىلى جەتكىزىلدى», دەپ اتاپ ءوتتى ش.نۇرىشەۆ.

مۇنان باسقا سايلاۋشىلاردىڭ داۋىس بەرۋىنە كەيبىر مەملەكەتتە ورىن العان تابيعي اپاتتار مەن ەل ىشىندە ءجۇرىپ-تۇرۋعا ەنگىزىلگەن شەكتەۋلەر دە قيىندىق تۋعىزعان. كونسۋلدىق ەسەپكە تۇرعان ازاماتتاردىڭ باسىم بولىگى رەسەي, تۇركيا, قىتاي, چەحيا, ۇلىبريتانيا, وزبەكستان, ءباا جانە قىرعىزستاندا شوعىرلانعان. حورۆاتيا, برازيليا, سلوۆاكيا, تايلاند, يندونەزيا, تۇرىكمەنستان, ءۇندىستان, يزرايل, پاكىستان جانە ومانداعى سايلاۋ ۋچاسكەلەرىندە ازاماتتار از تىركەلگەن. ءسىم وكىلى شەتەلدە جۇرگەن 4 532 قازاقستان ازاماتى داۋىس بەرگەنىن مالىمدەدى.

ورتالىق سايلاۋ كوميسسياسىنىڭ ساعات 22.00-دەگى سوڭعى دەرەگىنە سەنسەك, تىزىمگە ەنگىزىلگەن سايلاۋشىلاردىڭ 63,3 پا­يىزى ءوز تاڭداۋىن جاساعان. داۋىس بەرۋ كورسەتكىشى اقمولا وبلىسى بويىنشا – 72,8, اقتوبە وبلىسى بويىنشا – 58,8, الماتى وبلىسى بويىنشا – 73,5, اتىراۋ وبلىسى بويىنشا – 56,4, باتىس قازاقستان وبلىسى بويىنشا – 62,4, جامبىل وبلىسى بويىنشا – 72,2, قاراعاندى وبلىسى بو­يىنشا – 70,7, قوستاناي وبلىسى بو­يىن­شا – 71,8, قىزىلوردا وبلىسى بويىن­شا – 73,9, ماڭعىستاۋ وبلىسى بويىن­شا – 55,0, پاۆلودار وبلىسى بويىنشا – 71,3, سولتۇستىك قازاقستان وبلىسى بويىنشا – 75,5, تۇركىستان وبلىسى بويىنشا – 65,8, شى­عىس قازاقستان وبلىسى بويىنشا – 72,4, نۇر-سۇلتان قالاسى بويىنشا – 45,1, الماتى قالاسى بويىنشا – 30,3, شىم­كەنت قالاسى بويىنشا 56,5 پايىزعا جەتتى.

ەلىمىزدە سايلاۋ ناۋقانى كەزىندە ىشكى ىستەر ورگانىنىڭ قىزمەتكەرلەرى دە كۇشەي­تىلگەن رەجىمدە جۇمىس ىستەدى. ولار قو­عامدىق ءتارتىپتى ساقتاۋمەن قاتار بيۋل­لەتەندەر مەن حاتتامالاردىڭ ساق­تالۋىن قامتاماسىز ەتۋگە, ولاردى اۋدان­دىق جانە وبلىستىق كوميسسيالارعا جەت­كىزۋگە جۇمىل­دىرىلعان. ىشكى ىستەر ءمينيستر­ىنىڭ ورىنباسارى ارىستانعاني زاپ­پاروۆ وتكىزگەن بريفينگتە اكىمشى­لىك جانە قىلمىستىق جاۋاپكەرشىلىككە ەشكىمنىڭ تارتىلماعانى بەلگىلى بولدى. دەگەنمەن ءتارتىپ بۇزعان 10 بايقاۋشىعا شارا قولدانۋعا تۋرا كەلگەن. بۇعان ساني­تارلىق تالاپتاردىڭ بۇزىلۋى, سايلاۋ ۋچاسكەلەرىندەگى ەرەجەلەرگە باعىنباۋ مەن كوميسسيا جۇمىسىنا كەدەرگى كەلتىرۋلەر سەبەپ بولعان.

سونداي-اق ورتالىق كوممۋنيكاتسيالار قىزمەتىندە وتكەن بريفينگتە بەلگىلى بولعانداي, باس پروكۋراتۋرا سايلاۋ تۋرالى زاڭ تالاپتارىن بۇزۋ بويىنشا 2 وقيعا تىركەگەن. ەكەۋى دە الەۋمەتتىك جەلىدە بولعان. ودان بولەك باس پروكۋراتۋراعا ەكى ءوتىنىش كەلىپ تۇسكەن. ونىڭ بىرەۋى – ماڭعىستاۋ وبلىسىندا بايقاۋشىسىز داۋىس بەرۋدەن باس تارتقان ازاماتتان تۇسكەن, ال ەكىنشىسى – ءوزىن بايقاۋشىلار تىزىمىنەن زاڭسىز شىعارىپ تاستادى دەگەن ەلوردا تۇرعىنىنىڭ ءوتىنىشى.