2013 جىلعى 4 قازان, استانا, ۇكىمەت ءۇيى«كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 27 جەلتوقسانداعى № 1418 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 27 جەلتوقسانداگى № 1418 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 7, 90-قۇجات) مىناداي وزگەرىستەر مەن تولىقتىرۋلار ەنگىزىلسىن:كورسەتىلگەن قاۋلىمەن بەكىتىلگەن كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسىندا:9-تارماق مىناداي مازمۇنداعى ەكىنشى بولىكپەن تولىقتىرىلسىن:«قولدانىلۋ مەرزىمى اياقتالعاڭنان كەيىن كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتى جارامسىز دەپ سانالادى.»;مىناداي مازمۇنداعى 9-1-تارماقپەن تولىقتىرىلسىن:«9-1. قولدانىلۋ مەرزىمىنىڭ اياقتالۋىنا بايلانىستى بىلىكتىلىك اتتەستاتىنىڭ قولدانىلۋى توقتاتىلعان جاعدايدا كەدەندىك دەكلاراتسيالاۋ جونىندەگى مامان قولدانىلۋ مەرزىمى اياقتالعانعا دەيىن ەكى اي بۇرىن قولدانىستاعى بىلىكتىلىك اتتەستاتىن قوسا بەرە وتىرىپ, كودەكستىڭ 32-بابىنىڭ 4-تارماعىنا سايكەس قايتا اتتەستاتتاۋ بويىنشا ەمتيحان تاپسىرۋعا ءوتىنىش بەرۋگە قۇقىلى. ەمتيحاندى ءساتتى تاپسىرعان كەزدە قولدانىستاعى بىلىكتىلىك اتتەستاتى جاڭاسى تىركەلگەن ساتتەن باستاپ جارامسىز بولادى.»;10 جانە 11-تارماقتار مىناداي رەداكتسيادا جازىلسىن:«10. ەگەر كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتى ءوتىنىش يەسى ۇسىنعان تولىق ەمەس مەلىمەتتەر جانە دەيەكسىز مەلىمەتتەر نەگىزىندە بەرىلگەن جاعدايدا, بىلىكتىلىك اتتەستاتى جويىلۋعا جاتادى.11. بىلىكتىلىك اتتەستاتىن جويۋ تۋرالى شەشىم كەدەن ءىسى سالاسىنداعى ۋاكىلەتتى ورگان باسشىسىنىڭ (ونى الماستىراتىن ادامنىڭ) بۇيرىعىمەن رەسىمدەلەدى. بۇل رەتتە بىلىكتىلىك- اتتەستاتىن بەرۋ تۋرالى قايتالاما ءوتىنىشتى كەدەن ءىسى سالاسىنداعى ۋاكىلەتتى ورگان جويۋ تۋرالى بۇيرىق قابىلدانعان كۇنىنەن باستاپ ءبىر جىل وتكەن سوڭ قارايدى.».2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.