2013 جىلعى 3 قازان, استانا, ۇكىمەت ءۇيى«قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2004 جىلعى 28 قازانداعى № 1117 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2004 جىلعى 28 قازانداعى № 1117 قاۋلىسىنا (قازاقستان رەسپۋبليكاسىنىڭ ءپۇاج-ى, 2004 ج., № 41, 529-قۇجات) مىناداي وزگەرىستەر ەنگىزىلسىن:كورسەتىلگەن قاۋلىمەن بەكىتىلگەن قازاقستان رەسپۋبليكاسى دەنساۋلىق ساقتاۋ مينيسترلىگى تۋرالى ەرەجەدە:16-تارماقتا:«ورتالىق اپپاراتتىڭ فۋنكتسيالارى» دەگەن 1-بولىمدە:17) تارماقشا مىناداي رەداكتسيادا جازىلسىن:«17) تۋىستاس ەمەس ترانسپلانتتاۋدى جۇرگىزۋ ماقساتىندا گەموپوەزدىك ءدىڭ جاسۋشالارىن, سۇيەك كەمىگىن وتكىزگەن جاعدايدا, ولاردى, سونداي-اق دياگنوستيكالىك ماقساتتارعا ارنالعان نەمەسە بيومەديتسينالىق زەرتتەۋلەر جۇرگىزۋ پروتسەسىندە الىنعان جاسۋشالاردىڭ, تىندەردىڭ, بيولوگيالىق سۇيىقتىقتار مەن سولدەردىڭ, ونىڭ ىشىندە ادامنىڭ تىرشىلىك ارەكەتى ونىمدەرىنىڭ, فيزيولوگيالىق جانە پاتولوگيالىق شىعارىندىلاردىڭ, سۇرتىندىلەردىڭ, قىرىندىلاردىڭ, شايىندىلاردىڭ ۇلگىلەرىن قازاقستان رەسپۋبليكاسىنىڭ اۋماعىنا اكەلۋگە جانە قازاكستان رەسپۋبليكاسىنىڭ اۋماعىنان اكەتۋگە قورىتىندىلار (رۇقسات بەرۋ قۇجاتتارىن) بەرۋ ءتارتىبىن ايقىنداۋ;»;«ۆەدومستۆولاردىڭ فۋنكتسيالارى» دەگەن 2-بولىمدە:29), 30) تارماقشالار مىناداي رەداكتسيادا جازىلسىن:«29) ادامنىڭ اعزالارىن (اعزالارىنىڭ بولىكتەرىن) جانە (نەمەسە) تىندەرىن, قان مەن ونىڭ كومپونەنتتەرىن كەدەن وداعىنا كىرمەيتىن ەلدەردەن قازاقستان رەسپۋبليكاسىنىڭ اۋماعىنا اكەلۋدى جانە قازاقستان رەسپۋبليكاسىنىڭ اۋماعىنان وسى ەلدەرگە اكەتۋدى ليتسەنزيالاۋ;«30) دارىلىك زاتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى (ونىڭ ىشىندە تىركەلمەگەندەرىن) ىزگىلىك كومەك نەمەسە توتەنشە جاعدايلار كەزىندەگى كومەك رەتىندە قازاقستان رەسپۋبليكاسىنىڭ اۋماعىنا اكەلۋگە قورىتىندىلار (رۇقسات بەرۋ قۇجاتتارىن) بەرۋدى جۇزەگە اسىرۋ;».2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.