پارلامەنت ءماجىلىسى مەن ءماسليحات دەپۋتاتتارىنا داۋىس بەرۋ باستالدى

كونستيتۋتسيالىق مەرزىمگە سايكەس ءوتىپ جاتقان ءماجىلىس سايلاۋىنا ەلىمىزدە تىركەلگەن 5 ساياسي پارتيا, اتاپ ايتقاندا, «Nur Otan» پارتياسى, «اۋىل» حالىقتىق-دەموكراتيالىق پاتريوتتىق پارتياسى, «ADAL» ساياسي پارتياسى, قازاقستاننىڭ «اق جول» دەموكراتيالىق پارتياسى, «قازاقستاننىڭ حالىق پارتياسى» دەپۋتاتتىق مانداتتان ءۇمىتتى. بۇل پارتيالار بارلىق دەڭگەيدەگى جەرگىلىكتى ماسليحاتتارعا دا ءوز كانديداتتارىن ۇسىنعان.

ماجىلىسكە 5 پارتيادان بارلىعى 312 كانديدات ۇسىنىلدى:

«Nur Otan» پارتياسىنان 126;

«اۋىل» حالىقتىق-دەموكراتيالىق پاتريوتتىق پارتياسىنان 19;

«ADAL» ساياسي پارتياسىنان 16;

قازاقستاننىڭ «اق جول» دەموكراتيالىق پارتياسىنان 38;

«قازاقستاننىڭ حالىق پارتياسىنان» 113 ادام بار.

ال جەرگىلىكتى ءماسليحاتتاردان 832, سونىڭ ىشىندە «اۋىل» حدپپ-دان – 158, «Nur Otan» پارتياسىنان  216, «ADAL» سپ-نان – 215, «اق جول» قدپ-نان – 174, «قازاقستان حالىق پارتياسىنان» 69 پارتيالىق ءتىزىم تىركەلدى.

سايلاۋ تۋرالى كونستيتۋتسيالىق زاڭعا سايكەس, داۋىس بەرۋ ۋاقىتى ستاندارتتى (ساعات 7:00-20:00 ارالىعى) بولادى.

باتىس قازاقستان, اقتوبە, اتىراۋ, ماڭعىستاۋ, قىزىلوردا وبلىستارىندا ۋاقىت ايىرماشىلىعىنا بايلانىستى سايلاۋ ۋچاسكەلەرى جەرگىلىكتى ۋاقىت بويىنشا ساعات 07:00-دە – نۇر-سۇلتان ۋاقىتى بويىنشا ساعات 08:00-دە اشىلادى.