تۇركى دۇنيەسى اقساقالدار كەڭەسىنىڭ مۇشەسى ءادىل احمەتوۆ حالىقارالىق تۇركى اكادەمياسى 8 قاڭتار كۇنى نۇر-سۇلتان قالاسىندا وتكىزگەن «تۇركى الەمى: تاريحي-مادەني مۇرا» اتتى حالىقارالىق كونفەرەنتسياسىن كورشى مەملەكەتتەر اراسىنا ىرىتكى سالعىسى كەلەتىن ساياسي سايقىمازاقتاردىڭ ساندىراعىنا ورىندى جاۋاپ بولدى دەپ سانايدى, دەپ حابارلايدى Egemen.kz.
اتالعان كونفەرەنتسيادا سويلەگەن سوزىندە ءادىل قۇرمانجان ۇلى: «بۇل كونفەرەنتسيا جانە ونىڭ تەرەڭ عىلىمي مازمۇنى حالىقتار اراسىنا ىرىتكى سالىپ, قازاقستان جانە رەسەي حالىقتارىنىڭ دوستىعىنا مىنا قاققىسى كەلەتىن ءارتۇرلى ساناتتاعى ساياسي سايقىمازاقتاردىڭ جالعان ءارى نەگىزسىز ارەكەتتەرىنە لايىقتى جاۋاپ بولدى» دەپ اتاپ ءوتتى.
ايتا كەتۋ كەرەك, ونلاين-وففلاين رەجيمدە وتكەن شاراعا 20 استام مەملەكەتتەن عالىمدار مەن ساراپشىلار, سونداي-اق, تۇركى الەمىنىڭ بىرقاتار رەسمي تۇلعالارى, حالىقارالىق ۇيىمداردىڭ وكىلدەرى قاتىستى.