فيلومەنا داۋىلى يسپانيانىڭ ءبىر بولىگىن قالىڭ قارمەن جاۋىپ تاستادى. سەنبى كۇنى ەلدىڭ جارتى اۋماعىندا دابىلدى ەسكەرتۋ جاريالاندى, دەپ حابارلايدى Egemen.ءkz تىلشىسى bbc.com سايتىنا سىلتەمە جاساپ.
بيىل يسپانيادا قىس قاھارىنا ءمىنىپ تۇر. ەكى كۇن بۇرىن عانا ەلدەگى اۋا تەمپەراتۋراسى -34,1 °C كورسەتكەنى تۋرالى اقپارات تاراعان ەدى. اۋا رايىنىڭ قولايسىزدىعى ازىرگە تۇراقتالاتىن ەمەس. الداعى 24 ساعاتتا 20 سم-گە دەيىن قار جاۋى مۇمكىن دەگەن بولجام جاسالىپ وتىر.
قازىردىڭ وزىندە قالالاردى قاردان تازارتۋ جۇمىستارى قىزۋ ءجۇرىپ جاتىر. قالىڭ قاردىڭ سالدارىنان جۇما كۇنى كەشكە بىرنەشە اۆتوكولىك ەل استاناسىنا كىرەتىن اۆتوجولدا تۇرىپ قالعان.
كەپتەلىپ قالعان جۇرگىزۋشىلەرگە كومەك كورسەتۋ ءۇشىن ءورت سوندىرۋشىلەر شاقىرىلدى. كەيبىر اۋدانداردا جولداردى تازارتۋعا كومەكتەسۋ ءۇشىن اسكەر جۇمىلدىرىلعان.
بيلىك ادامداردان الىس ساپارعا شىقپاۋدى ەسكەرىپ جاتىر.
جەرگىلىكتى باق-تىڭ حابارلاۋىنشا, مادريدتە مۇنداي جاعداي 40 جىل بۇرىن عانا بولعان كورىنەدى. سوندىقتان دا بولار AEMET مەتەورولوگيالىق اگەنتتىگى قاردىڭ «ەرەكشە جانە تاريحي بولۋى مۇمكىن» دەپ مالىمدەدى.
«مادريدتەگى اتاقتى پۋەرتا-دەل-سول الاڭىندا بىرنەشە ادام قىس قىزىقتارىنان ءلاززات الىپ, سەرۋەندەپ جۇرگەنى بايقالادى. ءتىپتى ولاردىڭ سانى كوبەيە باستاعاندىقتان قالاداعى ۇلكەن ساياباقتار ساقتىق شاراسى رەتىندە جابىلدى» , - دەپ حابارلايدى AFP اگەنتتىگى.
مۇنداي قىستى كورمەگەن يسپاندىقتار ايگىلى گران-ۆيا كوشەسىندە شاڭعىمەن سىرعاناپ ءجۇر.
باتىس ەۋروپانىڭ ەڭ ۇلكەن كەدەيلەۋ قالاسى كانيادا-رەال تۇرعىندارى جىلىنۋ ءۇشىن كوشەدە وت جاعۋعا دەيىن بارعان.
دەمالىستان كەيىن سۋىق اۋا رايى ساقتالادى, ال بەيسەنبىدە مادريدتەگى تەمپەراتۋرا -12 گرادۋسقا جەتەدى دەپ بولجانۋدا.