2020 جىلعى 31 جەلتوقسانداعى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 1184 كاسىپورنىندا 31 مىڭ جۇمىسكەر الدىندا 4,2 ملرد تەڭگەدەن استام جالاقى بويىنشا بەرەشەك بار ەكەنىن انىقتادى, دەپ حابارلايدى Egemen.ءkz تىلشىسى.
اتالعان كاسىپورىنداردىڭ باسشىلارىنا ورىندالۋعا مىندەتتى 790 نۇسقاما بەرىلىپ, 106,4 ملن تەڭگەدەن استام سوماعا ايىپپۇل سالىندى.
قولدانىلعان شارالاردىڭ ناتيجەسىندە, ونىڭ ىشىندە جالاقى بويىنشا بەرەشەكتى وتەۋدىڭ مەرزىمى مەن كەستەسىن قاتاڭ بەلگىلەۋ ارقىلى 31 مىڭنان استام جۇمىسكەردىڭ قۇقىعى قورعالىپ, ولارعا 4,2 ملرد تەڭگە تولەندى.
جالپى, وتكەن جىلى مەملەكەتتىك ەڭبەك ينسپەكتورلارى 3,9 مىڭ تەكسەرۋ جۇرگىزدى. قر ەڭبەك زاڭناماسىن بۇزۋدىڭ 6,1 مىڭنان استام فاكتىسى انىقتالىپ, 174,3 ملن تەڭگە سوماعا ايىپپۇل سالىندى.