قازاقستان قارۋلى كۇشتەرىنىڭ ينفروقۇرىلىمىن كۇتىپ ۇستاۋ مەن دامىتۋ شەڭبەرىندە 2020 جىلى بىرقاتار جاڭا جوبالار جۇزەگە اسىرىلدى, دەپ حابارلايدى Egemen.kz.
اتاپ ايتقاندا, اسكەري قالاشىقتاردى كوركەيتۋ اياسىندا العاش رەت 19 سپورت جانە 9 بالالارعا ارنالعان ويىن الاڭى ورناتىلدى. بۇل اسكەري قىزمەتشىلەردىڭ وتباسىلارىنىڭ, ونىڭ ىشىندە الىس گارنيزوندارداعىلاردىڭ ءومىر ءسۇرۋ ىڭعايلىلىعىن ارتتىرۋعا مۇمكىندىك بەردى.
سەمەي جانە الماتى قالالارىنداعى زاۋىتتاردا تورلى 3D پانەلدەر ءوندىرىسىنىڭ ەكى جەلىسى ىسكە قوسىلدى. بۇلار پانەل تۇرىندەگى قورشاۋلار. وبەكتىلەردىڭ بولجامدى ونىمدىلىگى ايىنا 4 400 پانەلدى نەمەسە 11 000 مەتردى قۇرايدى.
الماتى, جامبىل, قاراعاندى جانە سەمەي گارنيزوندارىندا ءتورت جوندەۋ-قالىپقا كەلتىرۋ زاۋىتى ىرگەسىن قۇرىلدى. اتالمىش بولىمشەلەردىڭ قىزمەتىنىڭ ارقاسىندا 2020 جىلى 105 ملن تەڭگە ۇنەمدەۋگە, سونداي-اق اتقارىلعان جۇمىستاردىڭ ساپاسى مەن مەرزىمىن ايتارلىقتاي جاقسارتۋعا مۇمكىندىك بولدى.
الماتىدا قورشاعان ورتاعا زياندى زاتتاردىڭ شىعۋىن ازايتۋ, سونداي-اق جىلۋ ەنەرگياسىن ءوندىرۋ شىعىندارىن وڭتايلاندىرۋ ماقساتىندا ەكى قازاندىقتى گازبەن قامتاماسىز ەتۋگە كوشىرۋ جوباسى ىسكە قوسىلدى. بۇل جىل سايىن 500 ملن-عا جۋىق تەڭگەنى ۇنەمدەۋگە مۇمكىندىك بەرەدى.
2020 جىلى شامامەن 900-گە جۋىق وبەكتىگە اعىمداعى جوندەۋ جۇمىستارى جۇرگىزىلدى, بۇل 2019 جىلعى كورسەتكىشكە قاراعاندا 88 پايىزعا ارتقان. ولار قارۋ-جاراق, وق-ءدارى مەن اسكەري م ۇلىكتى ساقتاۋ وبەكتىلەرى, اكىمشىلىك جانە تۇرعىن ءۇي نىساندارى, كارىز جولدارى, سۋمەن جابدىقتاۋ, گازداندىرۋ جەلىلەرى جانە باسقا دا كوممۋنيكاتسيالار.
شىعىس قازاقستان, جامبىل, قاراعاندى وبلىستارىنىڭ جەرگىلىكتى اتقارۋشى ورگاندارىمەن وق-دارىلەردى ساقتاۋ ورىندارىن قازۋ كەزىندە پايدالانىلاتىن توپىراق پەن قۇمدى ءوز بەتىنشە وندىرۋگە جەر ۋچاسكەلەرىن ءبولۋ تۋرالى ماسەلە پىسىقتالۋدا. بۇل ماتەريالداردى ساتىپ الۋ شىعىندارىن ەداۋىر قىسقارتادى دەپ كۇتىلۋدە.
جولدار مەن جول توسەمدەرىنە اعىمداعى جوندەۋ جۇمىستارىن جۇرگىزۋ كورسەتكىشى 49%-عا ارتتى. اعىمداعى جىلى 188,5 مىڭ شارشى مەتر جولدىڭ بەتى بەتون اسفالتپەن جابىلدى, سونىمەن قاتار, 11 مىڭ مەتردەن استام بورديۋرلەر ورناتىلدى.