مەملەكەتتىك قولداۋدىڭ ارقاسىندا اۋىلشارۋاشىلىق ونىمدەرىنىڭ كولەمى ارتقان

مەملەكەتتىك قولداۋعا يە بولىپ وتىرعان شارۋالاردىڭ دا سانى ارتقان. اتاپ ايتقاندا, 2019 جىلى 76 شارۋاعا 1 114,0 ملن تەڭگە سۋبسيديا بەرىلسە, وتكەن جىلى 102 ازاماتقا 1 069,3 ملن تەڭگە قارجى ۇلەستىرىلگەن.

ال وسى جىلى مال شارۋاشىلىعىن دامىتۋ ماقساتىندا 1 425,1 ملن تەڭگە سۋبسيديا قارالىپ وتىر.

شارۋالارعا بەرىلگەن مەملەكەتتىك قولداۋدىڭ ارقاسىندا 2019 جىلى وندىرىلەتىن ەت 14,1 مىڭ تونناعا جەتىپ, 2018 جىلمەن سالىستىرعاندا 124,6 پايىزعا ارتقان (2018ج. 11,3 مىڭ توننا). وتكەن جىلدىڭ 11 ايىندا قالادا 13,1 مىڭ توننا ەت ءوندىرىلىپ, 2019 جىلدىڭ (12,6 توننا) ءتيىستى كەزەڭىمەن سالىستىرعاندا 103,9 پايىزعا ارتقان.

اۋىلشارۋاشىلىق ونىمدەرىنەن ءسۇت ءوندىرىسى دە جىلدان-جىلعا دامىپ وتىر. 2019 جىلى 45,9 مىڭ تونناعا جەتىپ (2018 ج. 45,4 مىڭ توننا) 101,2 پايىزدى قۇراسا, وتكەن جىلى 11 ايىندا ءسۇت ءوندىرىسىنىڭ كولەمى 43,9 مىڭ تونناعا جەتتى (2019 ج. 11 ايىندا 42,7 مىڭ توننا).

سونىمەن قاتار شىمكەنتتە وندىرىلەتىن جۇمىرتقا ءوندىرىسىنىڭ ۇلەسىندە دە ءوسۋ بار. 2020 جىلدىڭ 11 ايىندا 146,1 ملن دانا جۇمىرتقا ءوندىرىلىپ, 2019 جىلدىڭ (110,5 ملن دانا) وسى كەزەڭىمەن سالىستىرعاندا 132,5 پايىزعا ارتقان.

شاھاردا مال شارۋاشىلىعى ءونىمنىڭ كولەمى 2019 جىلى 19,4 ملرد تەڭگەنى قۇراعان. ال, 2020 جىلدىڭ 11 ايىندا بۇل كورسەتكىش 19,9 ملرد تەڭگەگە جەتكەن.

بيىل شارۋالارعا مەملەكەتتىك قولداۋدى ءتيىمدى ۇلەستىرۋدىڭ ارقاسىندا 14,5 مىڭ توننا ەت, 46,7 مىڭ تونناعا ءسۇت, جۇمىرتقانىڭ كولەمىن 150,0 ملن داناعا جەتكىزۋ جوسپارلانىپ وتىر.