2021 جىلعى 1 قاڭتاردان باستاپ ۇكىمەتتىك ەمەس ۇيىمداردىڭ قىزمەتى تۋرالى مالىمەتتەردى ۇەۇ دەرەكقورىنا ۇسىنۋدىڭ كەزەكتى مەرزىمى باستالدى, دەپ حابارلايدى Egemen.kz.
«كوممەرتسيالىق ەمەس ۇيىمدار تۋرالى» قازاقستان رەسپۋبليكاسى زاڭىنىڭ 41-بابىنىڭ 5-تارماعىنا سايكەس مالىمەتتەر جىل سايىن 31 ناۋرىزعا دەيىن جولدانۋى ءتيىس.
ۇەۇ دەرەكقورىنا مالىمەتتەر بەرۋ مەملەكەتتىك الەۋمەتتىك تاپسىرىس جانە مەملەكەتتىك گرانتتار شەڭبەرىندە الەۋمەتتىك باعدارلامالار مەن الەۋمەتتىك جوبالاردى ىسكە اسىرۋعا, سونداي-اق ۇەۇ ءۇشىن سىيلىق الۋعا ارنالعان كونكۋرسقا قاتىسۋ ءۇشىن مىندەتتى شارت بولىپ تابىلادى. ۇەۇ دەرەكقورىنا ءوز قىزمەتى تۋرالى مالىمەتتەر ۇسىنباعان ۇيىمدار كونكۋرستىق راسىمدەرگە جىبەرىلمەيدى.
ايتا كەتەيىك, ۇەۇ دەرەكقورىنا تىركەلۋ ۇيىمدارعا قازاقستاندىق ۇەۇ-دىڭ تابىستى جوبالارىمەن تانىسۋعا, تاجىريبە الماسۋعا, ىنتىماقتاستىق پەن سەرىكتەستىك ورناتۋعا مۇمكىندىك بەرەدى.
مالىمەتتەر «ۇكىمەتتىك ەمەس ۇيىمدارىمەن ءوز قىزمەتى جونىندەگى مالىمەتتەرىن ۇسىنۋ جانە ولار تۋرالى دەرەكقوردى قالىپتاستىرۋ قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ 2016 جىلعى 19 اقپانداعى №51 بۇيرىعىمەن بەكىتىلگەن نىسان بويىنشا ۇسىنىلادى.
ۇكىمەتتىك ەمەس ۇيىمداردىڭ قىزمەتى تۋرالى مالىمەتتەردى كەلەسى تاسىلدەردىڭ بىرىمەن ۇسىنا الادى:
1) ۇەۇ دەرەكقورىنىڭ https://infonpo.gov.kz/ ينتەرنەت-پورتالى ارقىلى (ينتەرنەت-پورتالدا اۆتوريزاتسيادان ءوتۋ حقكو-دا الىنعان زاڭدى تۇلعانىڭ ەتسق كىلتىنىڭ كومەگىمەن مۇمكىن بولادى);
2) ۋاكىلەتتى ورگانعا قاعاز جانە ەلەكتروندىق تاسىعىشتاردا (Word فورماتىندا CD-ديسكتەردە نەمەسە USB-فلەش-جيناقتاۋشىلاردا) پوشتا ارقىلى نەمەسە قولما-قول ۇسىنادى (قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتى, نۇر-سۇلتان قالاسى, ماڭگىلىك ەل داڭعىلى, 8 «مينيسترلىكتەر ءۇيى», 15-كىرەبەرىس).
ۇەۇ دەرەكقورىنا مالىمەتتەردى ۇسىنباۋ, ۋاقتىلى ۇسىنباۋ جانە تولىق ەمەس نەمەسە كورىنەۋ, جالعان مالىمەتتەردى ۇسىنعانى ءۇشىن قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىك كوزدەلگەن.
وسى ورايدا, ۇكىمەتتىك ەمەس ۇيىمداردى 2021 جىلدىڭ 31 ناۋرىزىنا دەيىن ۇەۇ دەرەكقورىنا infonpo.kz اقپاراتتىق رەسۋرسى ارقىلى 2020 جىلعى قىزمەت تۋرالى مالىمەتتەردى تاپسىرۋعا شاقىرامىز, - دەلىنگەن مينيسترلىك تاراتقان حابارلامادا.