اقتاۋ قالاسىنىڭ تۇرعىنى ءۇشىن ماس كۇيىندە دۇكەنگە بارۋ قوعامدىق جۇمىسقا تارتۋعا اكەپ سوقتى. ماڭعىستاۋ وبلىسى بويىنشا قاج دەپارتامەنتى حابارلانعانداي, قۇقىق قورعاۋ ورگاندارى قىزمەتكەرلەرىنىڭ جاساعان ەسكەرتۋىنە «ا» دەگەن ازامات جاۋاپ رەتىندە بالاعات سوزدەر ايتىپ, قارسىلىق كورسەتكەن. كەيىن بۇل ازاماتتىڭ قاتتى ماس كۇيدە ەكەندىگى بەلگىلى بولدى.
وسىلايشا, ءوزىنىڭ جاساعان بۇزاقىلىق ارەكەتى ءۇشىن, اتالعان ازامات اقتاۋ قالالىق سوتىنىڭ ۇكىمىمەن 40 ساعاتتىق قوعامدىق جۇمىس تۇرىندەگى جازاعا تارتىلدى.
«قازىرگى تاڭدا اتالعان ازاماتقا قىلمىستىق-اتقارۋ زاڭناماسىنا سايكەس تاعايىندالعان جازانى ورىنداۋ ءۇشىن ءتيىستى اۋماق ءبولىنىپ بەرىلدى», دەدى ماڭعىستاۋ وبلىستىق پروباتسيا قىزمەتىنىڭ باستىعى عابيت چۋتابەكوۆ.