ورتالىق افريكا رەسپۋبليكاسىنىڭ استاناسى – بانگي قالاسىندا ەكى فرانتسۋز اسكەريى قازا تاپتى. بۇل تۋرالى فرانتسيا پرەزيدەنتى اكىمشىلىگىنە سىلتەمە جاساي وتىرىپ «فرانتس پرەسس» اگەنتتىگى حابارلادى.
بۇل فرانتسۋز ارمياسىنىڭ وار اۋماعىنا 6 جەلتوقسان كۇنى ەنگەننەن بەرگى العاشقى قۇرباندىقتارى بولىپ تابىلادى. فرانتسۋزدار اتالعان ەل اۋماعىنا ب ۇلىكشىلەرگە قارسى وپەراتسيالار جۇرگىزۋ ءۇشىن ەنگىزىلگەن ەدى. وسىنىڭ الدىندا فرانتسۋزدار دىنارالىق جانجالعا قاتىسۋشى قارۋلى جاساقتاردان قارۋلارىن تاستاۋدى تالاپ ەتكەن بولاتىن. ەگەر تالاپ ورىندالماعان جاعدايدا كۇش قولداناتىندىقتارىن مالىمدەگەن ەدى. جالپى, وار-داعى تۇراقسىزدىق ۇستىمىزدەگى جىلدىڭ ناۋرىز ايىنان, ەلدە توڭكەرىس جۇزەگە اسقاننان بەرى جالعاسىپ كەلەدى.
شاراينا
فرانتسۋزداردىڭ العاشقى قۇرباندىقتارى
ورتالىق افريكا رەسپۋبليكاسىنىڭ استاناسى – بانگي قالاسىندا ەكى فرانتسۋز اسكەريى قازا تاپتى. بۇل تۋرالى فرانتسيا پرەزيدەنتى اكىمشىلىگىنە سىلتەمە جاساي وتىرىپ «فرانتس پرەسس» اگەنتتىگى حابارلادى.
بۇل فرانتسۋز ارمياسىنىڭ وار اۋماعىنا 6 جەلتوقسان كۇنى ەنگەننەن بەرگى العاشقى قۇرباندىقتارى بولىپ تابىلادى. فرانتسۋزدار اتالعان ەل اۋماعىنا ب ۇلىكشىلەرگە قارسى وپەراتسيالار جۇرگىزۋ ءۇشىن ەنگىزىلگەن ەدى. وسىنىڭ الدىندا فرانتسۋزدار دىنارالىق جانجالعا قاتىسۋشى قارۋلى جاساقتاردان قارۋلارىن تاستاۋدى تالاپ ەتكەن بولاتىن. ەگەر تالاپ ورىندالماعان جاعدايدا كۇش قولداناتىندىقتارىن مالىمدەگەن ەدى. جالپى, وار-داعى تۇراقسىزدىق ۇستىمىزدەگى جىلدىڭ ناۋرىز ايىنان, ەلدە توڭكەرىس جۇزەگە اسقاننان بەرى جالعاسىپ كەلەدى.
ميليتسيا بارريكادالاردى بۇزدى
«بۇركىت» ارنايى بولىمشەلەرىنىڭ جاساقتارى مەن ميليتسيا قىزمەتكەرلەرى 10 جەلتوقسانعا قاراعان ءتۇنى ۋكراينا پرەزيدەنتى اكىمشىلىگىنىڭ توڭىرەگىندەگى ليۋتەران كوشەسىندە ورناتىلعان بارريكادالاردى جانە قۇرىلعان پالاتكالاردى بۇزىپ تاستادى.
بارلىق نارازىلىق اكتسياسىنا قاتىسۋشىلار كوشەدەن ىعىستىرىپ شىعارىلدى. قۋ كەزىندە ميتينگكە شىعۋشىلار مەن ميليتسيا اراسىندا قاقتىعىس ورىن الدى. وسىنىڭ سالدارىنان بىرنەشە ادام زارداپ شەكتى. سوڭعى مالىمەت بويىنشا جاراقات العاندار 10 ادام دەلىنىپ وتىر. بۇعان دەيىن شەلكوۆيچنايا مەن اكادەميك بوگومولەتس كوشەلەرىنىڭ قيىلىسىنداعى بارريكادا جانە گرۋشەۆسكي كوشەسى مەن كرەپوستنوي قيىلىسىنداعى قورشاۋ قيراتىلعان ەدى. قىسقاسى, ۋكراينادا قاشان تىنىشتىق ورنايتىنى بەلگىسىز.
اقش تاراپىنىڭ كۇدىگى كۇشتى
اقش بيلىگى كەيبىر رەسەي ديپلوماتتارىنا قاتىستى جانسىزدىق جاسادى دەگەن كۇدىك ءبىلدىردى. ولار بۇعان دەيىن مەديتسينالىق ساقتاندىرۋعا بايلانىستى الاياقتىق جاسادى دەپ ايىپتالعان بولاتىن. بۇل جونىندە فەدەرالدىق بارلاۋ باسقارماسىنا سىلتەمە جاساي وتىرىپ, CNN حابارلادى.
رەسەيلىك ديپلوماتتارعا شپيوندىق جاسادى دەگەن كۇدىك كەلتىرىلگەلى ءبىرشاما ۋاقىت بولعانىمەن, جەتكىلىكتى كولەمدە ايعاق جيناقتالماعان ەكەن. سوندىقتان اقش ادىلەت مينيسترلىگى اۋەلدە الاياقتىق بابى بويىنشا ايىپ تاققان-تىن. دەرەك كوزى سوڭعىسىندا قانشا ديپلوماتقا كۇدىك كەلتىرىلگەنىن ناقتىلامايدى. ال قۇراما شتاتتار الاياقتىق جاسادى دەپ 25 قازىرگى جانە بۇرىنعى ديپلوماتتارعا جانە ولاردىڭ 24 زايىبىنا ايىپ تاققانى 5 جەلتوقساندا بەلگىلى بولعان ەدى. تەرگەۋ نۇسقاسى بويىنشا, ولار ەڭبەكاقىلارىن تومەن ەتىپ كورسەتكەن جانە وسىنىڭ ناتيجەسىندە جەڭىلدەتىلگەن مەديتسينالىق كومەك الىپ كەلگەن.
قىسقا قايىرىپ ايتقاندا:
* يسپانيالىق باق وكىلدەرى سيريادا ەكى يسپان ءجۋرناليسى ۇستاۋدا وتىرعانىن جاريا ەتتى. جۋرناليستەردى ۇرلاۋ تۇركيامەن شەكاراداعى وتكىزۋ پۋنكتىندە ورىن العان. ولار ەكى اپتاعا سوزىلعان رەداكتسيا تاپسىرماسىن ورىنداعاننان كەيىن سيريا اۋماعىن تاستاپ شىقپاق بولعان كەزدەرىندە ۇرلانىپتى.
*رەسەي مەن كۋبا كەڭەس وداعىنا تيەسىلى 29 ميلليارد دوللار قارىزدى جويۋ تۋرالى ۋاعدالاستىققا كەلدى. ءسويتىپ, ماسكەۋ 32 ميلليارد دوللار قارىزدىڭ 29 ميللياردىن كەشىرۋگە شەشىم قابىلدادى. گاۆانا قالعان 3,2 ميلليارد دوللاردى ون جىل ىشىندە تولەپ بىتىرگەن جاعدايدا ۋاعدالاستىق كۇشىندە قالادى.
* 1976 جىلى قازا تاپقان برازيليانىڭ ەكس-پرەزيدەنتى جۋسەلين كۋبيچەك ءوز ولىمىمەن ولمەپتى. ول اسكەري ديكتاتۋرا ۇيىمداستىرعان قانقۇيلى ارەكەتتىڭ قۇربانىنا اينالىپتى. بۇل تۋرالى سان-پاۋلۋ قالالىق كەڭەسىنىڭ مۇشەلەرى كىرەتىن ارنايى تەكسەرۋ كوميسسياسى مالىمدەدى. كوميسسيانىڭ تولىق بايانداماسى جاقىندا جاريالانادى.
*اتاقتى كينواكتەر بريۋس ءليدىڭ سارى كومبينەزونى اۋكتسيونعا قويىلعان ەدى. گونكونگتە وتكەن ساۋدا-ساتتىقتا اتالعان كومبينەزون 83 مىڭ اقش دوللارىنا ساتىلدى. كوستيۋمدى كىم ساتىپ العانى بەلگىسىز. بەلگىلىسى – بريۋس لي ونى 1972 جىلى تۇسىرىلگەن «ءولىم ويىنى» فيلمىندە كيگەن بولاتىن.
اسكەري كەزەكشىلىككە كىرىستى
بەلارۋس پەن رەسەيدىڭ اسكەري ۇشقىشتارى كەشە بىرلەسكەن اسكەري كەزەكشىلىككە كىرىستى. بۇل تۋرالى بەلارۋس قورعانىس مينيسترلىگىنىڭ ءباسپاسوز قىزمەتى حابارلادى. اتالعان شارا كەزەكشى كۇشتەردىڭ اسكەري مۇمكىندىگىن جوعارىلاتۋدى جانە ەكى ەل اۋە كەڭىستىگىنىڭ كۇزەتىن كۇشەيتۋدى كوزدەيدى.
كەزەكشىلىككە كىرىسۋ تۋرالى بۇيرىقتى بەلارۋس قورعانىس مينيسترلىگىنىڭ اسكەري-اۋە كۇشتەرى مەن اۋە شابۋىلىنان قورعانىس اسكەرلەرىنىڭ قولباسشىسى گەنەرال-مايور ولەگ دۆيگالەۆ بەرگەن. وسىدان بىرنەشە كۇن بۇرىن بەلارۋسكە رەسەيلىك ءتورت سۋ-27 جويعىش ۇشاعى مەن تەحنيكالىق پەرسونال جەتكىزىلگەن بولاتىن. ولاردى ەل اۋماعىنا ورنالاستىرۋ تۋرالى ەكى ەل باسشىلىعى وتكەن كوكتەمدە ۋاعدالاسقان ەكەن. كەزەكشىلىك برەست وبلىسىنداعى بارانوۆيچي اۆيابازاسىندا جۇزەگە اسىرىلۋدا.
داعدارىس پايداسى وراسان
اقش حالقىنىڭ 2008 جىلعى داعدارىستان كەيىن قالتالارى قامپيىپ شىعا كەلدى. تولىق ەمەس بەس جىلدا ولاردىڭ جيىنتىق بايلىعى 20 تريلليون دوللارعا ۇلعايدى. بۇل تۋرالى فەدەرالدى رەزەرۆ جۇيەسىنە سىلتەمە جاساي وتىرىپ, «اسسوشەيتەد پرەسس» اگەنتتىگى حابارلادى.
ءبىرىنشى كەزەكتە حالىقتىڭ ءال-اۋقاتىنىڭ ارتۋىنا قور رىنوكتارىنداعى ءوسىم مەن جىلجىمايتىن م ۇلىكتەردىڭ قىمباتتاۋى وڭ اسەر ەتكەن. رەزەرۆ جۇيەسىنىڭ دەرەكتەرىنە سايكەس, ۇستىمىزدەگى جىلدىڭ شىلدەسى مەن قىركۇيەگى ارالىعىندا امەريكالىقتاردىڭ جالپى جاعدايى 2,6 پايىزعا ارتىپ, 77,3 تريلليون دوللارعا جەتكەن. 2008 جىلى بۇل كورسەتكىش 57,2 تريلليون دوللاردى قۇراسا كەرەك. ءبىر وكىنىشتىسى, امەريكالىقتاردىڭ جالپى جاعدايى جاقسارعانىمەن, بايلار مەن كەدەيلەر اراسىنداعى اراسالماق ساقتالىپ وتىر.
ءولى تەڭىزدى «ولىمنەن» قۇتقارماق
تاياۋ شىعىس ەلدەرى – يزرايل, يوردانيا جانە پالەستينا اۆتونومياسى ءولى تەڭىزدى قۇتقارۋ جونىندەگى جوسپارعا قول قويدى. قول قويۋ سالتاناتى بۇرناعى كۇنى اقش استاناسى – ۆاشينگتون قالاسىنداعى بۇكىلالەمدىك بانكتىڭ شتاب-پاتەرىندە ءوتتى.
كەلىسىم سۋدى قىزىل تەڭىزدىڭ سولتۇستىگىندەگى اكاب بۇعازىنان ءولى تەڭىزگە جەتكىزەتىن ۇزىندىعى 180 شاقىرىمدىق قۇبىر جەلىسى قۇرىلىسىن قاراستىرادى. جوبانىڭ قۇنى شامامەن 300-400 ميلليون دوللار دەلىنىپ وتىر. ونى 4-5 جىلدا اياقتاۋ كوزدەلەدى. جوبا شەڭبەرىندە, سونداي-اق, يوردانيا سۋدى تۇششىتاتىن زاۋىت سالۋى ءتيىس. ال ول جىل سايىن 80-100 ميلليون تەكشە مەتر تۇششى سۋ وندىرۋگە قابىلەتتى بولادى دەپ كۇتىلۋدە. جاڭا قۇبىردىڭ ارقاسىندا ءولى تەڭىزگە جىل سايىن شامامەن 200 ميلليون تەكشە مەتر تەڭىز سۋى قۇيىلىپ تۇرادى دەگەن بولجام بار.
ينتەرنەت ماتەريالدارى نەگىزىندە ازىرلەندى.