Twitter ۆاشينگتونداعى زورلىق-زومبىلىق جاعدايلارىنىڭ ورىن الۋى سالدارىنان» اقش پرەزيدەنتى دونالد ترامپتىڭ اككاۋنتىن 12 ساعاتقا بۇعاتتادى. بۇل تۋرالى الەۋمەتتىك جەلى مالىمدەمەسىندە ايتىلعان, دەپ حابارلايدى Egemen.kz lenta.ru سايتىنا سىلتەمە جاساپ.
سونىمەن قاتار Twitter كومپانياسىنىڭ وكىلدەرى ترامپتىڭ الەۋمەتتىك مەديا ەرەجەلەرىن بۇزاتىن سوڭعى ءۇش جازباسىن ءوشىرۋىن سۇراعان. تالاپ ورىندالماعان جاعدايدا ونىڭ اككاۋنتى ۇنەمى بۇعاتتالاتىنىن ايتقان.
سونداي-اق Facebook پەن YouTube الەۋمەتتىك جەلىلەرى ترامپتىڭ كاپيتوليدىڭ جانىنداعى دەمونسترانتتاردى ۇيگە بارۋعا شاقىرىپ, سايلاۋدا بەرىلگەن داۋىستى «ۇرلادى» دەپ جاريالاعان ۆيدەوسىنا توسقاۋىل قويدى.
ال اقش كونگرەسىنىڭ جۇمىسى 6 قاڭتاردا پرەزيدەنت دونالد ترامپتىڭ جاقتاستارىنان قۇرالعان نارازىلىق بىلدىرۋشىلەر عيماراتقا باسىپ كىرگەننەن كەيىن توقتاتىلدى.
وسى كەزدە كونگرەسس وكىلدەرى دجو بايدەننىڭ اقش-تىڭ 46-شى پرەزيدەنتى لاۋازىمىنا كانديداتۋراسىن ماقۇلداپ جاتقان ەدى. كاپيتوليدەگى وقيعا كەزىندە كونگرەسمەندەردى ءبىر-بىردەن ۋلى گازدان قورعايتىن قۇرالدارمەن سىرتقا شىعارىپ جىبەرگەن.
اقش-تىڭ جاڭادان سايلانعان پرەزيدەنتى دجو بايدەن ترامپتى ءوز جاقتاستارىن تىنىشتاندىرۋعا شاقىردى. ەل استاناسىنداعى وقيعالاردى نارازىلىققا ەمەس, ب ۇلىككە ۇقساتاتىنىن دا ايتىپ قالدى.
ترامپ ءوز جاقتاستارىن بەيبىتشىلىككە شاقىرىپ, پوليتسياعا قولداۋ كورسەتۋگە تىرىستى. كەيىن ۆاشينگتونداعى كاپيتولي عيماراتى نارازىلىق بىلدىرۋشىلەردەن تازارتىلعانى بەلگىلى بولدى. وكىنىشكە قاراي, عيماراتتاعى نارازىلىق كەزىندە ءبىر ايەلگە وق ءتيىپ, كەيىنىرەك ول قايتىس بولدى.