الماتى قالاسىندا التى ادامدى بىردەن قاعىپ, قاشىپ كەتكەن جۇرگىزۋشى بىرنەشە كۇننەن كەيىن ۇستالدى. وقيعا «تسەليننىي» كينوتەاترىنىڭ ماڭايىندا بولعان. BMW X6 كولىگىنىڭ تىزگىنىندە وتىرعان 24 جاسار ماقسات ۇسەنوۆ ەسىمدى جىگىت سول ماڭداعى جاياۋ جۇرگىنشىلەر جولىنىڭ ۇستىنەن ادامدار قاققان.
الماتى قالاسىندا التى ادامدى بىردەن قاعىپ, قاشىپ كەتكەن جۇرگىزۋشى بىرنەشە كۇننەن كەيىن ۇستالدى. وقيعا «تسەليننىي» كينوتەاترىنىڭ ماڭايىندا بولعان. BMW X6 كولىگىنىڭ تىزگىنىندە وتىرعان 24 جاسار ماقسات ۇسەنوۆ ەسىمدى جىگىت سول ماڭداعى جاياۋ جۇرگىنشىلەر جولىنىڭ ۇستىنەن ادامدار قاققان.بۇدان كەيىن الدى-ارتىنا قاراماي كەتىپ قالعان جۇرگىزۋشى اقىرى پوليتسەيلەردىڭ قولىنا ءتۇستى.
قاشقىن جۇرگىزۋشى قازىر ءوز كىناسىن تولىق مويىنداپتى. مەديتسينالىق ساراپتاما قورىتىندىسى ونىڭ الكوگولدى ىشىمدىك پايدالانباعانىن انىقتاعان. تەكسەرىس جۇمىستارى اۆتوكولىكتىڭ تەحنيكالىق اقاۋلىقتارى جونىندە دە جۇرگىزىلگەن.
قازىر جۇرگىزۋشىگە قاتىستى جول اپاتىنا, كىسى ولىمىنە جانە وقيعا ورنىنان قاشىپ كەتۋىنە بايلانىستى قىلمىستىق ءىس قوزعالىپ وتىر.
ەستەرىڭىزگە سالا كەتسەك, جەلتوقساننىڭ 1-ءى كۇنى ورىن العان وقيعا جەلىسىندە BMW X6 اۆتوكولىگىنىڭ جۇرگىزۋشىسى رۋلگە يە بولا الماي, بەتون قورشاۋدى بۇزىپ, تروتۋارعا شىعىپ كەتكەن. ال جولدىڭ جيەگىندە سول ساتتە 4 قىز جانە 2 جىگىت تۇرعان. ولاردىڭ ەڭ ۇلكەنى 23 جاستا ەكەن. التاۋى دا بىردەي اۆتوكولىكتىڭ سوققىسىنا ۇشىراپ, وقيعا ورنىندا ءبىر ازامات قازا تاپقان. قالعاندارى ءارتۇرلى دەنە جاراقاتىن العان. سوعان قاراماستان, كولىك جۇرگىزۋشىسى وقيعا ورنىنان ءىزىن سۋىتىپ ۇلگەرگەن. كەيىن ول وسىندا بولعان كۋاگەرلەر ءوزىن كولىكتەن ج ۇلىپ الىپ, سوققىعا جىققانى ءۇشىن قاشىپ كەتكەنىن ايتىپ اقتالىپتى.
قۇرىش نۇرىمبەت.