پارتيا توراعاسى ازات پەرۋاشەۆ باستاعان اقجولدىقتار ەلىمىزدىڭ شىعىسىنا ساپارلاپ, جەرگىلىكتى ەڭبەك ۇجىمدارىمەن كەزدەستى.
شىعىس قازاقستان وڭىرىندەگى ساپارىن پارتيا وكىلدەرى وسكەمەن قالاسىنان باستادى.
اقجولدىقتار الدىمەن وسكەمەندەگى مەتاللۋرگيالىق زاۋىتقا باردى. بۇل ءوندىرىس تەك وڭىردەگى عانا ەمەس, بۇكىل الەمدەگى ەڭ ءىرى ءوندىرىس وشاقتارىنىڭ ءبىرى سانالادى. سوندىقتان پارتيا وكىلدەرى بۇل ۇجىمنىڭ پىكىرىن تىڭداۋدى ءجون سانادى.
وندىرىستە 4 مىڭعا جۋىق ادام جۇمىس ىستەيدى. ال زاۋىت ونىمدەرى ەكسپورتقا شىعادى. «اق جول» پارتياسىنىڭ وكىلدەرى الدىمەن كاسىپورىننىڭ تىنىس-تىرشىلىگىمەن تانىسىپ, ۇجىمىمەن كەزدەستى.
بۇدان كەيىن ازات پەرۋاشەۆ باستاعان ارنايى توپ جەرگىلىكتى اۆتوبۋس پاركىندە بولدى. بۇل كاسىپورىنداعى جاعداي سالىستىرمالى تۇردە كۇردەلى. ويتكەنى جۇمىسشىلاردىڭ دەنى ەگدە جاستا. سايكەسىنشە, بۇل ءوندىرىستىڭ جۇمىسشىلارىن دەنساۋلىق كۇتىمى مەن زەينەتكە شىعۋعا قاتىستى ماسەلەلەر الاڭداتادى. جالاقى مەن باسپانا تۇيىتكىلدەرى تاعى بار.
ءدال وسى باسپانا ماسەلەسى پەداگوگتەردى دە مازالايدى. بۇل جونىندە جامبىل اتىنداعى مەكتەپ-ينتەرناتى ۇجىمىمەن بولعان كەزدەسۋ بارىسىندا بەلگىلى بولدى. پارتيا توراعاسى بۇل ۇجىمدى دا «اق جولدىڭ» سايلاۋالدى باعدارلاماسىمەن تانىستىردى جانە جەرگىلىكتى جۇمىسشىلار وزدەرىنىڭ جۇمىس باعىتى بويىنشا سۇراقتار قويدى, ۇسىنىستار جاسادى.
ءدال وسىنداي فورماتتاعى كەزدەسۋ جەرگىلىكتى سۋ ەلەكتر ستانساسىنىڭ ۇجىمىمەن دە بولدى. بۇل سالادا دا كوكەيكەستى ماسەلە كوپ ەكەنى بەلگىلى بولدى.
ۇجىم قىزمەتكەرلەرى الەۋمەتتىك ماسەلەلەردىڭ رەتتەلمەي تۇرعانىن, ال تۇرمىستىق جاعدايدىڭ كەي كەزدە جۇمىستىڭ ءونىمدى بولۋىنا كەسىر كەلتىرەتىنىن ايتىپ ءوتتى. ولار الداعى سايلاۋدا بەلسەندىلىك تانىتىپ, سايلاۋ ارقىلى ءوز تاڭداۋلارىن جاسايتىندارىن جەتكىزدى.