قازاقستان مەن تۇركيا قورعانىس مينيسترلەرى «قازاقستان اسەلسان ينجينيرينگ»
جاڭا كاسىپورنىن ىسكە قوستى
كەشە استانادا قازاقستان رەسپۋبليكاسىنىڭ قورعانىس ءمينيسترى ءادىلبەك جاقسىبەكوۆ پەن تۇرىك رەسپۋبليكاسىنىڭ ۇلتتىق قورعانىس مينيسترى يسمەت يىلماز ەلەكتروندى-وپتيكالىق قۇرىلعىلار ءوندىرەتىن «قازاقستان اسەلسان ينجينيرينگ» قازاق-تۇرىك بىرلەسكەن كاسىپورنىن اشتى. بۇل ءبىرلەسكەن كاسىپورىن قازاقستان مەن تۇركيا مەملەكەت باسشىلارىنىڭ ۋاعدالاستىعىنا سايكەس قۇرىلىپ وتىر.
قازاقستان مەن تۇركيا قورعانىس مينيسترلەرى «قازاقستان اسەلسان ينجينيرينگ»
جاڭا كاسىپورنىن ىسكە قوستى
كەشە استانادا قازاقستان رەسپۋبليكاسىنىڭ قورعانىس ءمينيسترى ءادىلبەك جاقسىبەكوۆ پەن تۇرىك رەسپۋبليكاسىنىڭ ۇلتتىق قورعانىس مينيسترى يسمەت يىلماز ەلەكتروندى-وپتيكالىق قۇرىلعىلار ءوندىرەتىن «قازاقستان اسەلسان ينجينيرينگ» قازاق-تۇرىك بىرلەسكەن كاسىپورنىن اشتى. بۇل ءبىرلەسكەن كاسىپورىن قازاقستان مەن تۇركيا مەملەكەت باسشىلارىنىڭ ۋاعدالاستىعىنا سايكەس قۇرىلىپ وتىر.
قورعانىس ۆەدومستۆولارىنىڭ باسشىلارى بولاشاق ءوندىرىس كورپۋستارىنىڭ ورنالاسۋ ورنىن قاراپ, اتالعان كاسىپورىندا شىعارىلاتىن ونىمدەردىڭ ۇلگىلەرىمەن تانىستى.
ادىلبەك جاقسىبەكوۆ استانادا جوعارى تەحنولوگيالىق قورعانىس ونەركاسىبى كەشەنىنىڭ اشىلۋىنىڭ ماڭىزىن ايرىقشا اتاپ ءوتتى. بىرلەسكەن جوباداعى قازاقستاننىڭ العاشقى كەزدەگى ۇلەسى 20 پايىزدى قۇرايدى, تاياۋداعى 5 جىلدىڭ ىشىندە ول 67 پايىزعا دەيىن ارتاتىن بولادى.
«قازاقستان ينجينيرينگ» ۇلتتىق كومپانياسى» اق باسقارما توراعاسى بولات سماعۇلوۆ قورعانىس ۆەدومستۆولارىنىڭ باسشىلارىن جاڭا كاسىپورىن وندىرەتىن ونىمدەر تىزىمىمەن تانىستىردى. بۇل جەردە ونىمدەرگە تەحنيكالىق قىزمەت, سونداي-اق, پەرسونالدى وقىتۋ جۇزەگە اساتىن بولادى.
زاۋىت سۋاستى كەمەلەرىنەن باستاپ عارىش كەمەلەرىنە دەيىنگى ارالىقتا ءارتۇرلى تەحنيكادا قولداناتىن ەلەكتروندى پلاتتاردىڭ كەڭ سپەكترىن شىعارۋ مۇمكىندىگىنە يە.
زاۋىتتى دامىتۋدىڭ كەلەسى كەزەڭى دەربەس ينفراقىزىل لينزالار شىعارۋ ءوندىرىسىن ۇيىمداستىرۋدى, جاڭا تەحنولوگيالاردى قولدانۋ ارقىلى ءونىم ءوندىرۋدى قامتيدى.
بۇل تمد-دا وسىنداي ساپاداعى ءونىم وندىرەتىن ءبىرىنشى كاسىپورىن ەكەنىن اتاپ وتكەن ورىندى.
سۇڭعات ءالىپباي,
«ەگەمەن قازاقستان».