ارگەنتينادا ورىن العان جاپپاي تارتىپسىزدىكتەردىڭ ناتيجەسىندە بەس ادام قازا تاپتى. بۇل تۋرالى Newsru.com حابارلادى.
ارگەنتينادا پوليتسيا قىزمەتكەرلەرى جالاقى مولشەرلەرىنىڭ كوبەيتىلۋىن تالاپ ەتىپ, ەرەۋىلگە شىققان بولاتىن. مۇنى پايدالانعان حالىق دۇكەن مەن باسقا دا ساۋدا ورىندارىن بۇزىپ كىرىپ, ولاردى توناي باستاعان. مۇنداي تارتىپسىزدىكتەر ارگەنتينانىڭ 19 پروۆينتسياسىندا بولىپ جاتىر. قازىر بۇل دەرەكتەردى ايعاقتايتىن بەينەماتەريالدار ينتەرنەت بەتىندە قاپتاپ ءجۇر. وندا زاڭ الدىندا جاۋاپقا تارتىلمايتىندارىنا سەنگەن ادامداردىڭ دۇكەن تەرەزەلەرىن شاعىپ, كەرەك-جاراقتارىن اربامەن سۇيرەتىپ شىعىپ جاتقاندارى بەينەلەنگەن.
پروكۋراتۋرا قىزمەتكەرلەرى توناۋشىلارعا قارسى قىلمىستىق ءىس قوزعايتىندارىن ەسكەرتتى. ال جەرگىلىكتى بيلىك ەلدەگى ورىن العان جاعدايعا پوليتسيا قىزمەتكەرلەرىن كىنالاۋدا. مۇنداعى تارتىپسىزدىكتەر ءبىر اپتا بۇرىن كوردوۆا پروۆينتسياسىندا باستاۋ العان. جەرگىلىكتى ءتارتىپ ساقشىلارى جالاقى مولشەرىنىڭ كوبەيتىلۋىن تالاپ ەتىپ, ەرەۋىلگە شىققان. قۇقىق قورعاۋشىلاردىڭ بۇل ارەكەتىن ءوز پايداسىنا اسىرا بىلگەن ونداعان ادام ساۋدا ورىندارىن توناي باستاعان.
ايدار ورىسباەۆ.
دەرەككوز: Newsru.com