ەلىمىزدىڭ بولاشاعى جاستاردىڭ قولىندا

ەلىمىز ءۇشىن انا ءتىلىمىزدىڭ دە, كەڭ-بايتاق دالامىزدىڭ دا ابىرويى اسقاق. پرەزيدەنت اتاپ وتكەندەي, ء«ححى عاسىر – ءبىلىم مەن بىلىكتىڭ ءدəۋىرى». ال «شىنايى پات­ريوتتىق سەزىممەن رۋحتانىپ, قاسيەتتى تəۋەل­سىزدىگىمىزدى ودان ءəرى نىعايتا ءتۇسۋ ءۇشىن بىرلەسە جۇمىس ىستەۋ» دە ماڭىز­دى. وسىلايشا, جاستاردى ەڭبەككە, بىلىمگە ۇندەي وتىرىپ, اتقارار ءىستىڭ ماڭىز­دىلىعىن اتاپ وتكەن مەملەكەت باسشى­سىنىڭ ەل تاريحىن تەرەڭنەن تانۋ ماسە­لەسىنە توقتالۋىنىڭ ءمانى تەرەڭدە جاتىر. تاريحىنا, سالت-داستۇرىنە قانىعىپ وس­كەن ۇرپاقتىڭ كەلەشەگى كەمەل. اجەسىنىڭ ەرتەگىسىن ەستىپ وسكەن, ارعىماق ءمىنىپ شىڭدالعان ءاربىر قازاق بالاسى «با­تىر» دەگەن اتقا ابدەن لايىق. وسى تۇستا ەلۋ جىلدان استام تاريحى بار ءبىر عانا «قىز جىبەك» فيلمىنەن قازاق حال­قى­نىڭ تۇرمىس-تىرشىلىگى, ونەگە-بولمى­سى, باتىرلىعى, قولونەرى جايىندا قان­شاما قۇندى مالىمەت الۋعا بولاتىنىن ايتا كەتكەن ابزال. ال كينو قورىمىز مۇن­داي ماعىنالى دا مازمۇنعا باي قانشاما قۇندى جوبالارعا باي, الداعى كۇندەردە جۇزەگە اساتىندارى تاعى بار.

بۇل ۇل­تىمىزدىڭ وسىناۋ ونەگەلى ءومىرىن, تىر­شى­لىك تاجىريبەسىن ۇلتتىق جوبالار ارقىلى كەڭىنەن دارىپتەۋدىڭ كەزى كەلگەنىن كورسەتەدى. ال ۇلتتىق ادەبيەتىمىزدىڭ, مادەنيەتىمىزدىڭ ودان ءارى دامۋىنا جاستاردىڭ بەلسەندى اتسالىسۋى ۋاقىت سۇرانىسىنان تۋىنداپ وتىر. مەملەكەت باس­شىسى وسى ورايدا تۋعان ەلىمىزدىڭ اسىل مۇرالارىن يگىلىگىمىزگە پايدالانۋعا ۇن­دەي وتىرىپ, وسى توقىمداي جەردىڭ ءبىر ۋىس توپىراعىنان ءنار العان ءاربىر قا­زاق بالاسى جانىن اياماي ەڭبەك ەتسە, ءبىلىم السا دەگەن ماعىنالى تەرەڭ ويدى قوز­عاي وتىرىپ, ەلدىڭ ەرتەڭىنە دەگەن الاڭداۋ­شى­لىعىن بىلدىرەدى. سوندىقتان دا قازاق­ستان­داي الەمگە تانىلعان عاجاپ ەلدىڭ ۇل-قىز­دارىنىڭ ەرتەڭى ء«بىر جاعادان باس, ءبىر جەڭنەن قول شىعارعان» بەرەكەلى بولا­شاقپەن عانا ورىلەتىنى حاق.

ءاسانالى ءاشىموۆ,

قازاقستان جانە كسرو حالىق ءارتىسى, قازاقستاننىڭ ەڭبەك ەرى