ءبىز ەتىگىنىڭ قونىشىنا گازەت-جۋرنال قىستىرىپ, كەڭ دالادا مال قايىرعان قويشىنى كورگەن ۇرپاقپىز. قايناعان تىرشىلىكتىڭ اراسىندا جۇرسە دە, مەرزىمدى باسىلىمداردى جىبەرمەي وقيتىن اعالاردىڭ تاربيەسىن العان ادامدارمىز. سوندىقتان بالا كۇنىمىزدەن كىتاپپەن قاتار ءار باسىلىمنىڭ ءبىر ءنومىرىن جىبەرمەي وقۋعا داعدىلانعانبىز. ونىڭ ۇستىنە ءبىزدىڭ اكەي الدابەرگەن بيسەنوۆ تالاي جىل ەل باسقارعان كىسى ەدى. سوتسياليستىك ەڭبەك ەرى بولاتىن. ال ۇيىمىزگە سول كەزدە ەلىمىز بويىنشا شىعاتىن بارلىق باسىلىم كەلەتىن. اكەمىز سونىڭ ىشىندە «سوتسياليستىك قازاقستان» گازەتىن وتە ۇلكەن ىقىلاسپەن وقيتىن. بۇگىنگى «ەگەمەن قازاقستان» گازەتى ءبىزدىڭ بالا كەزىمىزدەن بەرگى اجىراماس سەرىگىمىز دەسەك, اقيقاتتان الىس كەتپەگەنىمىز.
ءبىز ەتىگىنىڭ قونىشىنا گازەت-جۋرنال قىستىرىپ, كەڭ دالادا مال قايىرعان قويشىنى كورگەن ۇرپاقپىز. قايناعان تىرشىلىكتىڭ اراسىندا جۇرسە دە, مەرزىمدى باسىلىمداردى جىبەرمەي وقيتىن اعالاردىڭ تاربيەسىن العان ادامدارمىز. سوندىقتان بالا كۇنىمىزدەن كىتاپپەن قاتار ءار باسىلىمنىڭ ءبىر ءنومىرىن جىبەرمەي وقۋعا داعدىلانعانبىز. ونىڭ ۇستىنە ءبىزدىڭ اكەي الدابەرگەن بيسەنوۆ تالاي جىل ەل باسقارعان كىسى ەدى. سوتسياليستىك ەڭبەك ەرى بولاتىن. ال ۇيىمىزگە سول كەزدە ەلىمىز بويىنشا شىعاتىن بارلىق باسىلىم كەلەتىن. اكەمىز سونىڭ ىشىندە «سوتسياليستىك قازاقستان» گازەتىن وتە ۇلكەن ىقىلاسپەن وقيتىن. بۇگىنگى «ەگەمەن قازاقستان» گازەتى ءبىزدىڭ بالا كەزىمىزدەن بەرگى اجىراماس سەرىگىمىز دەسەك, اقيقاتتان الىس كەتپەگەنىمىز.
بۇگىندە اقپاراتتىق تەحنولوگيا دامىدى. بارلىق كەرەك دۇنيەنى الدىڭدا تۇرعان كومپيۋتەردەن تابۋعا بولادى. ونىڭ ۇستىنە ينتەرنەت يگىلىگىمىزگە اينالعاننان بەرى, ءتۇرلى اقپاراتتىق سايتتار اشىلدى. بۇدان بولەك, ءداستۇرلى باسىلىمداردىڭ دا سايتتىق نۇسقالارى ومىرگە كەلىپ جاتىر. دەگەنمەن, بالا كەزدەن قورعاسىنعا قۇيىلىپ, قاعازعا تاسپالانعان گازەتتى وقىپ ۇيرەنگەن بىزدەر ءۇشىن باسىلىمدى پاراقتاپ وتىرىپ قاراعاننان ارتىق راقات دۇنيە جوق. سول سەبەپتى ينتەرنەت نۇسقاسى كوز الدىمىزدا تۇرسا دا, «ەگەمەن قازاقستان» گازەتىن ۇنەمى جازىرتىپ الامىز.
مەن «ەگەمەنگە» نە ءۇشىن جازىلامىن؟ بىرىنشىدەن, ول – ەلىمىزدىڭ باس گازەتى. مەملەكەتتىڭ باعىت-باعدارىنان ايقىن اقپارات بەرىپ, ەلباسىنىڭ سىندارلى ساياساتىن ەلگە جەتكىزىپ وتىرعان بىرەگەي باسىلىم. ەكىنشىدەن, ەشقاشان جالاڭ ۇرانعا ۇرىنبايتىن, تەك ناقتى دەرەكتەردى تاراتاتىن شىنشىل ماقالالاردى باسادى. بۇل – وقىرماندى اداستىرمايدى, جالعان جولعا سىلتەمەيدى دەگەن ءسوز. ال حالىق ءۇشىن ەڭ باستىسى دا وسى. ۇشىنشىدەن, الاش ارىستارى حاقىندا, ەلىمىزگە ەلەۋلى ەڭبەك ەتكەن ادامدار تۋرالى, تاۋ تۇلعالى ازاماتتار جايىندا تۇشىمدى ەستەلىكتەر مەن ەسسەلەر بەرىپ, الەمدەگى ايشىقتى وقيعالار مەن تاريحي ورىندار تۋراسىندا كەڭ كولەمدە دەرەكتى دۇنيەلەر جاريالاپ وتىرادى. تورتىنشىدەن, ەلىمىزدە قابىلدانىپ جاتقان زاڭدار مەن قاۋلى-قاراردىڭ بارلىعى وسى باسىلىمعا شىعادى. بىلە-بىلگەن ادام ءۇشىن بۇل دا ماڭىزدى جايت. سەبەبى, زاڭنىڭ بارلىعى قوعامنىڭ دامۋى ءۇشىن قابىلدانادى. ال قوعام ادامنان تۇرادى. وسى رەتتە قازاقستاننىڭ ءاربىر تۇرعىنى وزىنە قاتىستى زاڭدارمەن «ەگەمەن» ارقىلى تانىسا الادى دەسەك, جالعان بولماس.
جالپى, «ەگەمەن قازاقستان» گازەتىن ۇنەمى وقىپ جۇرگەن ادام زاماننىڭ ءۇنىن سەزىپ وتىرادى. ۇلت زيالىلارىنىڭ ءوزى «زامانمەن ۇندەس زاڭعار باسىلىم» دەپ باعا بەرگەندە وسىنى مەڭزەسە كەرەك. اسىرەسە, ايدىڭ سوڭىندا شىعاتىن «ەتجەڭدى «ەگەمەندى» وقىعاندا ەرەكشە باراقات كۇي كەشەمىز. ويتكەنى, وندا زور رۋحاني بايلىق بار.
قىلىشباي بيسەنوۆ,
قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ رەكتورى.