*قوستاناي وبلىسى 35 ەلگە استىق ەكسپورتىن جاسايدى. بۇل تۋرالى مالىمدەگەن وبلىستىق اۋىل شارۋاشىلىعى باسقارماسىنىڭ باسشىسى فەدور فيليپپوۆ ايماقتىڭ 5 جىلداعى استىق ەكسپورتى 7,4 ملن. توننادان اسقانىن ايتتى. ول رەسپۋبليكا جونەلتىلىمدەرى جالپى كولەمىنىڭ 31 پايىزىن قۇرايدى.
*قوستاناي وبلىسى 35 ەلگە استىق ەكسپورتىن جاسايدى. بۇل تۋرالى مالىمدەگەن وبلىستىق اۋىل شارۋاشىلىعى باسقارماسىنىڭ باسشىسى فەدور فيليپپوۆ ايماقتىڭ 5 جىلداعى استىق ەكسپورتى 7,4 ملن. توننادان اسقانىن ايتتى. ول رەسپۋبليكا جونەلتىلىمدەرى جالپى كولەمىنىڭ 31 پايىزىن قۇرايدى.
*وڭتۇستىك قازاقستان وبلىسى تاۋارلارىن ماسكەۋدە وتكىزۋ كەلىسىمىنە قول جەتكىزدى. بۇل رەسەي دەلەگاتسياسىنىڭ شىمكەنتكە قازاقستاندىق تاۋارلاردى ماسكەۋ نارىعىندا وتكىزۋدىڭ مۇمكىندىكتەرىن تالقىلاۋعا كەلگەن ساپارى بارىسىندا شەشىلدى.
*شىعىس قازاقستان وبلىسى بيىلعى جىلىتۋ ماۋسىمىنا 21 ملرد. تەڭگە ءبولدى. وبلىس اكىمى بەردىبەك ساپارباەۆتىڭ كەشە توتەنشە جاعدايلار ءمينيسترى ۆلاديمير بوجكومەن كەزدەسۋى بارىسىندا انىقتالعان بۇل دەرەكتە سونداي-اق 10 ملرد. تەڭگەنىڭ جىلۋ بەرۋ نىساندارىنا بەرىلەتىنى دە كەلتىرىلدى.
*الماتى وبلىسىندا 10 وتباسى «قولجەتىمدى تۇرعىن ءۇي» باعدارلاماسى بويىنشا قونىس تويىن تويلادى. قاراساي اۋدانىندا پايدالانۋعا بەرىلگەن بۇل ۇيلەرگە مەملەكەتتىك قىزمەتكەرلەر, جاس ماماندار, تۇرمىستارى تومەن جانە كوپ بالالى وتباسىلارى, مۇمكىندىگى شەكتەۋلى جاندار ورنالاستى.
*پاۆلودار وبلىسىنىڭ مال وسىرۋشىلەرى جاڭارتىلاتىن ەنەرگيا كوزدەرىن بەلسەندى پايدالانۋعا كوشتى. وعان يندۋستريالاندىرۋ كارتاسى اياسىندا ءىرى مال شارۋاشىلىعى كەشەنىن سالىپ جاتقان باياناۋىل اۋدانىنداعى «جايما» متس» سەرىكتەستىگى ءبىرىنشى بولىپ قول جەتكىزىپ وتىر.
*اتىراۋ وبلىسى قۇلسارى اۋدانىندا جىل سوڭىنا دەيىن 3 نىسان قاتارعا قوسىلادى. جىلىوي اۋدانىنىڭ اكىمى ماكسيم ءىزباسوۆتىڭ ايتۋىنشا, جىل سوڭىنا دەيىن كۇنىنە 250 ادامدى قابىلداي الاتىن ەمحانا, 280 ورىنعا شاقتالعان بالاباقشا مەن 624 وقۋشىعا ارنالعان مەكتەپ پايدالانۋعا بەرىلەدى.
*قىزىلوردا وبلىسى قازالى اۋدانىنداعى ءبىر فەرما سيىرلارى قازاقتىڭ كۇيلەرىمەن ساۋىلاتىن بولدى. بۇرىن وسى ۇدەرىستىڭ كەزىندە موتسارت پەن بەتحوۆەننىڭ مۋزىكالارىن تىڭداپ كەلگەن ءىرى قارا تۇقىمى ەندى قۇرمانعازى مەن دينانىڭ داۋىلپاز كۇيلەرىنە دە قۇلاق تۇرە باستادى. مال دارىگەرى داۋرەن ءسۇيىنوۆتىڭ ايتۋىنا قاراعاندا, وسىدان كەيىن ءسۇتتىڭ مولشەرى كوبەيە تۇسكەن.
«قازاقپارات», BNews.kz, Egemen.kz حابارلارى بويىنشا دايىندالدى.