الماتىداعى ەپيدەميالىق احۋال كۇردەلى

الماتى قالاسى سانيتارلىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا الماتىنىڭ قازىر «سارى ايماقتا» ەكەنىن اتاپ ءوتتى.

2020 جىلدىڭ باسىنان بەرى قالا اۋماعىندا كوروناۆيرۋس ينفەكتسياسىن جۇقتىرعان 18 مىڭنان استام ادام, سونىمەن بىرگە, انىقتالماعان پنەۆمونيانىڭ 1423 وقيعاسى تىركەلگەن.

جەلتوقسان ايىندا كۆي-ءدىڭ 2256 وقيعاسى تىركەلدى. جەلتوقسان ايىنىڭ 4 اپتاسىنىڭ قورىتىندىسى بويىنشا كوروناۆيرۋس ينفەكتسياسىن جۇقتىرۋ وقيعالارىنا ەپيدەميولوگتاردىڭ جۇرگىزگەن زەرتتەۋلەرى ينفەكتسيانى جۇقتىرۋعا 20-دان 60 جاسقا دەيىنگى ازاماتتار الدەقايدا بەيىم ەكەنىن كورسەتكەن, ءتورت اپتادا بۇل جاستاعىلار اۋىرعانداردىڭ 64 پايىزىن قۇراعان.

الماتى قالاسىندا قوعامدىق ورىندار, ونىڭ ىشىندە دۇكەندەر, ءدارىحانالار, قوعامدىق تاماقتانۋ ورىندارى, سوو جانە بازارلار ينفەكتسيا ەڭ كوپ جۇعاتىن ورىندار بولىپ قالۋدا. حالىقتىڭ كۆي جۇقتىرۋ ورىندارىنىڭ قۇرىلىمىندا كەلەسى ورىندار باسىم: سىرقاتتانعان ادامداردىڭ قوعامدىق ورىندارعا كەلۋىنىڭ ۇلەس سالماعى - ساۋدا ۇيلەرى, دۇكەندەر, ءدارىحانالار, سوو, قوعامدىق تاماقتانۋ ورىندارى, بازارلار, مەديتسينالىق ۇيىمدار, 20-دان 40 جاسقا دەيىنگى جاستاردىڭ قاتىسۋمەن وتباسىلىق ءىس-شارالار (39%), ولار سىرقاتتانعان ادامداردىڭ 35%-ىن جانە 40-تان 60 جاسقا دەيىنگى ادامدار-29%; وتباسىنىڭ ناۋقاس مۇشەلەرىمەن بايلانىس (35%) جانە قالالىق كولىك (17%).​

وتكەن تاۋلىكتە قالا بويىنشا 100-دەن استامنىڭ ىندەت جۇقتىرعانى تىركەلدى, ولاردىڭ 30 پايىزىندا اۋرۋ كلينيكالىق سيمپتومسىز وتۋدە.

قالا تۇرعىندارى مەن قوناقتارىنا مۇمكىندىگىنشە قوعامدىق ورىندارعا بارۋدان باس تارتىپ, دۇكەندەردە, سوو, بازارلاردا جانە قوعامدىق باسقا دا ورىنداردا الەۋمەتتىك قاشىقتىق ساقتاۋ ۇسىنىلادى. سونداي -اق, بەتپەردە تاعۋدى جالعاستىرىپ, ولاردى تاعۋدىڭ جانە اۋىستىرۋدىڭ ەرەجەسىن ساقتاۋ كەرەك.