ايدىندى زايسان كولىنىڭ جاعاسىندا قونىس تەپكەن بالىقشىلار اۋىلى تۇعىل سوڭعى ءبىر-ەكى جىلدا كوركەيە ءتۇسىپتى. اۋىلدىڭ ءوسىپ-ءوركەندەۋىنە ەرەكشە ۇلەس قوسقان ۇلتجاندى ازامات, بۇرىنعى اكىم تۇرسىنبەك زاكاريانوۆتىڭ ورنىنا كاسىپكەرلىكپەن شۇعىلدانعان قايىربەك مامبولوۆ دەگەن ىسكەر ازامات كەلىپتى. قازىر مۇندا ءۇش ورتا مەكتەپ, بالاباقشا, ەكى بالىق زاۋىتى, بىرنەشە مەكەمەلەر جۇمىس ىستەپ تۇر.
ايدىندى زايسان كولىنىڭ جاعاسىندا قونىس تەپكەن بالىقشىلار اۋىلى تۇعىل سوڭعى ءبىر-ەكى جىلدا كوركەيە ءتۇسىپتى. اۋىلدىڭ ءوسىپ-ءوركەندەۋىنە ەرەكشە ۇلەس قوسقان ۇلتجاندى ازامات, بۇرىنعى اكىم تۇرسىنبەك زاكاريانوۆتىڭ ورنىنا كاسىپكەرلىكپەن شۇعىلدانعان قايىربەك مامبولوۆ دەگەن ىسكەر ازامات كەلىپتى. قازىر مۇندا ءۇش ورتا مەكتەپ, بالاباقشا, ەكى بالىق زاۋىتى, بىرنەشە مەكەمەلەر جۇمىس ىستەپ تۇر.
– «بىتەر ءىستىڭ باسىنا, جاقسى كەلەر قاسىنا» دەمەكشى, بۇگىن بىزدە ۇلكەن جاڭالىق. وبلىستا ءبىرىنشى بولىپ «التىن بالىق» قۋىرشاق تەاترى بالالارعا ارناپ «قويان مەن ماسا» ەرتەگىسى بويىنشا قويىلىمدى جۇرت تالقىسىنا ۇسىنباق. ەرتەگىنى ويلاپ تاپقان جەرلەسىمىز, تالانتتى رەجيسسەر ءارى كوستيۋمەر نۇرجان, ال قۋىرشاقتاردى تىگىپ, ساحناعا قوياتىن جۇبايى گالينا دۇنگەنەنوۆا. بىرگە تاماشالايىق, – دەپ اۋىل اكىمى نۇرجان ءىنىمىز ەلەڭ ەتكىزدى.
شىنىندا دا, قۋىرشاق تەاترى شالعايداعى اۋىلدى بىلاي قويىپ, وبلىس ورتالىعى وسكەمەندە جوق. تارباعاتاي اۋدانىنىڭ تۇعىل كەنتى جاقسى باستامانى قولعا العان ەكەن. تالاپتى جاستارمەن سپەكتاكل باستالعانعا دەيىن اڭگىمەلەسىپ ۇلگەردىك.
– زايىبىم گالينامەن كوكشەتاۋدا تانىستىم. ول قازاقتىڭ ادەت-عۇرپىن, ءتىلىن مەنەن جەتىك مەڭگەرگەن. جۇرەگىمىز جاراسىپ, ۇيلەندىك. گالينا قۋىرشاق تەاترىندا التى جىل قىزمەت ەتكەن. مەن دە ونەرگە جاقىنمىن. وتكەن جىلى كىندىك قانىم تامعان اۋىلىما ورالدىم. تۇعىلداعى كۇردەلى جوندەۋدەن وتكەن مادەنيەت ۇيىنە اۋدان اكىمى دىلدابەك ورازباەۆ 1 ميلليون تەڭگەگە قاجەتتى قۇرال-جابدىقتاردى ساتىپ اپەرىپتى. امانشىلىق بولسا, سول كىسىنىڭ قولداۋىمەن تاۋەلسىزدىك كۇنى قۋىرشاق تەاترىنىڭ ونەرىن اقجار مەن اۋدان ورتالىعى اقسۋات اۋىلدارى تۇرعىندارىنىڭ نازارىنا ۇسىنباقپىز. ال وسى اپتانىڭ سەنبىسىندە «سايقىمازاقتار» سپەكتاكلىن قويامىز, – دەپ نۇرجان ساحناعا جۇگىرىپ شىقتى.
مىنە, قىزىق. ساحنا ءتورى اڭدار مەن قۇستار, شىرشا مەن سامىرسىن, سان الۋان گۇلدەرگە تولى. مادەنيەت ۇيىنە جينالعان 500-گە تارتا كورەرمەننىڭ كوزى ساحنادا. شىنىندا دا, قۋىرشاق تەاترىنىڭ ونەرىن تەك تەلەەكراننان عانا كورىپ جۇرگەن بالالاردىڭ قىزىعۋشىلىعىن تۇسىنۋگە بولادى. نۇرجان قاسقىر مەن ايۋدى, گالينا تىشقاندى, 8-ءشى سىنىپتىڭ وقۋشىلارى ارۋجان ورازوۆا مەن گ ۇلىم قابىلقاقوۆا تۇلكى, ماسا, قوياندى شەبەر ورىنداپ شىقتى.
قويىلىم اياقتالعاننان كەيىن اۋىل اكىمى قايىربەك مامبولوۆ, اقساقالدار ونەرپازدارعا ريزاشىلىق ءبىلدىرىپ, ساتتىلىك تىلەدى. قۋىرشاق تەاترىنىڭ العاشقى قادامى قۋانتادى. دۇنگەنەنوۆتار وتباسىنا اۋىل تۇرعىندارىنىڭ ىقىلاسى ەرەكشە بولاتىنى تۇسىنىكتى شىعار.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.