الماتى اكىمى باقىتجان ساعىنتاەۆ ءوزىنىڭ جاڭاجىلدىق قۇتتىقتاۋىندا ءوتىپ بارا جاتقان جىلدا ىنتىماقتاستىق پەن ۇيىمشىلدىق كورسەتكەن الماتىلىقتارعا العىس ايتتى，دەپ حابارلايدى Egemen.kz
ب. ساعىنتاەۆ قۇتتىقتاۋدى ءوزىنىڭ Instagram-داعى پاراقشاسىندا جاريالادى.
ء«بىز ءوتىپ بارا جاتقان جىلمەن قوشتاساردا, ادەتتە كەلەر جىلعا ۇلكەن ءۇمىت ارتامىز. 2020 جىلدىڭ ءاربىر كۇنى قاي-قايسىمىزدىڭ دا توزىمدىلىگىمىزدى تەكسەرگەن سىناقتارعا تولى بولدى. ءبىز مۇلدەم جاڭا, ناقتى جاعدايدا ءومىر سۇرۋگە, ءبىلىم الۋعا, جۇمىس ىستەۋگە داعدىلاندىق», دەپ اتاپ ءوتتى قالا اكىمى.
ب.ساعىنتاەۆ ۇيىمشىلدىقتىڭ ۇلگىسىن كورسەتكەن بارشا الماتىلىقتارعا العىس ايتتى. سونىمەن قاتار قالا تۇرعىندارى قيىن ساتتەردە بىرگە بولۋدىڭ قانشالىقتى ماڭىزدى ەكەنىن سەزىنىپ, بىرلىكتى باعالاي ءبىلۋدى ۇيرەنگەنىن, تۇيسىنگەنىن اتاپ ءوتتى.
«جاڭا جىل ءاربىر شاڭىراققا قۋانىش پەن باقىت اكەلسىن! بارلىق ىزگى تىلەكتەرىڭىزبەن ۇمىتتەرىڭىز ەسەلەنە ورىندالسىن! بالالار مەن ولاردىڭ اكە-شەشەلەرى, اتالارى مەن اجەلەرى امان بولسىن! جاڭا جىلدارىڭىزبەن!», دەپ تىلەدى الماتى اكىمى ب. ساعىنتاەۆ.