ادام ءومىرىن قۇتقارعان قاھارماندار

ءتارتىپ ساقشىلارى وقيعا بول­عان جەرگە جەدەل جەتكەن. سويتسە, سەگىزىنشى قاباتتاعى بالكوننان اياقتارىن سالبىراتىپ جىبەر­گەن ءبىر بويجەتكەن سەكىرمەككە وقتا­لىپ وتىر ەكەن. تومەندە بەس-التى ادام قىزعا ولاي ىستەمەۋىن ءوتى­نىپ, جالىنىپ ءجۇر. ال پورا-پورا بولىپ جىلاعان قىز بولسا, ءوزىنىڭ ەشكىمگە كەرەكسىز بولىپ قالعانىن, سول سەبەپتى دە ومىرمەن قوشتاسقىسى كەلەتىنىن ايقايلاپ ايتىپ جاتتى...

ءسويتىپ ابىر-سابىر بولىپ جاتقان كەزدە, اۋلادا جۇرگەن تۇر­عىنداردىڭ ءبىرى پوليتسيا قىز­مەتكەرلەرىنە ايەلدىڭ قول سوم­كەسىن اكەلىپ بەردى. ول بالكوندا وتىرعان قىزدىڭ جەرگە قۇلاپ تۇسكەن سومكەسى بولىپ شىقتى. اعا سەرجانت ايبات اكىمجانوۆ سومكەنىڭ ىشىنەن ءۇيدىڭ كىلتىن تاۋىپ الدى. ءسىرا دا قىزدىڭ ءۇيىنىڭ كىلتى بولار-اۋ دەگەن دولبارمەن ارىپتەسى ەكەۋى سەگىزىنشى قاباتقا جۇگىرە جونەلگەن.

بۇل كەزدە اعا لەيتەنانت بەي­بىت بايسەركين توعىزىنشى قا­باتقا كوتەرىلىپ, ەسى كىرەسىلى-شى­عاسىلى وتىرعان قىزدى سوزگە تارتىپ, الدارقاتا باستاعان ەدى. پوليتسيا قىزمەتكەرلەرى سومكە ىشىنەن شىققان كىلتپەن پاتەردىڭ تەمىر ەسىگىن اشىپ, ىشكە ەنگەندە, قىز وتىرعان بالكونعا اپاراتىن بولمە ىشتەن جابىق بولىپ شىقتى. ويلانىپ تۇرۋعا ۋاقىت جوق ەدى: ءتارتىپ ساقشىلارى ىشكە ەسىكتى بۇزىپ كىردى. بىردەن اتىلىپ بارىپ تومەنگە ەندى سەكىرە بەرگەن قىزدى ەكى جاقتان ۇستاپ قالعان...

كەيىن ءبارى دە بەلگىلى بولدى. الگى قىز اناسىمەن الدەبىر سەبەپ­تەرگە بايلانىستى سوزگە كەلىپ قال­عان ەكەن. بىلاي قاراساڭىز, ومىر­دەن كۇدەر ۇزەتىندەي كۇردەلى نار­سە دە ەمەس. كۇندەلىكتى تۇر­مىس­­­تا كۇن سايىن بولىپ جاتاتىن ماي­­دا-شۇيدە ماسەلە. وكىنىشتى-اق...

ءتارتىپ ساقشىلارى قۇتقا­رىل­­عان قىزدى مەديتسينا قىزمەت­كەرلەرىنە تاپسىرىپ, ءارى قاراي جۇمىستارىن اتقارۋعا كەتتى. قو­عامنىڭ تىنىشتىعىن, ادام­دار­دىڭ اماندىعىن ساقتاۋ – ولار ءۇشىن كۇندەلىكتى مىندەت بول­عان­دىقتان, ولار بۇل وقيعانى كوپ ۇزاماي ۇمىتىپ تا كەتكەن بولاتىن. الايدا جاقسىلىق تا اياقاستى قالمايدى ەكەن: ارا­عا از عانا ۋاقىت سالىپ, ءۇش پو­لي­تسەيدىڭ ادام ءومىرىن قۇتقارۋ جو­لىنداعى جانكەشتى ءىس-ارەكەتى بۇ­كىل پوليتسيا دەپارتامەنتىنە ايان بولعان.

پوليتسيا باسشىلىعى ءتارتىپ ساقشىلارىنىڭ تار جەردە تاپ­قىرلىق پەن باتىلدىقتىڭ ەرەن ۇلگىسىن كورسەتكەن ءىس-ارەكەتتەرىن وتە جوعارى باعالادى. پوليتسيا اعا لەيتەنانتى بەيبىت باي­­سەركين, كىشى لەيتەنانت دارىن سوۆەت جانە اعا سەرجانت ايبات اكىمجانوۆ قازاقستان رەسپۋب­ليكاسىنىڭ ىشكى ىستەر ءمينيسترى ەرلان تۇرعىمباەۆتىڭ قولىنان «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدا­لىن الدى. بۇدان بولەك, قارا­عاندى وبلىستىق پوليتسيا دەپار­تامەنتىنىڭ باستىعى ەرلان ءفاي­زۋلليننىڭ بۇيرىعىمەن بەي­بىت كۇننىڭ باتىرلارىنىڭ ارقاي­سىسى 100 مىڭ تەڭگە اقشا­لاي سىيلىقپەن ماراپاتتالدى. وسى سالتاناتقا ارنالعان جەكە قۇ­رام­نىڭ جيىنىندا پوليتسيا باس­­شىسى: «وزگەگە ۇلگى بولۋى ءۇشىن ءبىز ادامدى قۇتقارعان ارىپ­­تەس­تەرىمىزدى ۇنەمى قولداپ, ىن­تالان­دىرىپ ءجۇرۋىمىز كەرەك», دەگەن بولاتىن.

ءتارتىپ ساقشىلارى اجال ­اۋزىنان الىپ قالعان بويجەتكەن كۇندەردىڭ ءبىر كۇنىندە ءوزىنىڭ وسى ىستەگەن قىلىعىنا قاراداي قى­سىلىپ, ءتىپتى وكىنۋى دە مۇمكىن. ال­بەتتە ءومىر كوشى تۇزەلىپ, ءبارى جاقسى بولىپ كەتسە, جاس قىز بو­لاشاقتا تۇرمىس قۇرىپ, انا اتا­نىپ, ومىرگە ۇرپاق اكەلۋى دە عاجاپ ەمەس قوي. سوندا قاراپ تۇرساڭىز, وزدەرىنىڭ كاسىبي مىن­دەتىنە مەيلىنشە ادال ءۇش پوليتسەي بولاشاقتا ءوسىپ-ونەتىن ءبىر اۋ­لەت­تىڭ تامىرىن تاعدىردىڭ تال­قىسىنان امان ساقتاپ قالعان بولىپ تۇر-اۋ.

مىنە, سول سەبەپتى دە, قوعام­نىڭ باستى بايلىعى – ادامنىڭ ءومىرىن قۇتقارىپ قالعان ازامات­تار­دىڭ قاي-قايسىن بولسىن قا­ھارمانعا تەڭەسە ارتىقتىق ەتپەس ەدى!

قاراعاندى